2026 உலகக் கிண்ண காற்பந்து தொடரின் உத்தியோகபூர்வ பாடலை, மெக்சிகோவில் நடைபெறவுள்ள ஆரம்ப விழாவில் கொலம்பியாவின் முன்னணி பாடகி ஷகிரா பாடி அரங்கேற்றவுள்ளார்.
மெக்சிகோ நகரில் உள்ள ‘எஸ்டாடியோ அஸ்டெகா’ மைதானத்தில், ஜூன் 11ஆம் திகதி இந்த ஆரம்ப விழா நடைபெறவுள்ளது.
இதன்போது இத்தாலிய மொழியில் “முன்னோக்கிச் செல்” அல்லது “வாருங்கள்” என்ற அர்த்தத்தைக் கொண்ட ‘டாய் டாய்’ என்ற உத்தியோகபூர்வ பாடலை ஷகிரா, நைஜீரிய பாடகர் பர்னா போயுடன் இணைந்து பாடவுள்ளார்.
இந்தத் தொடக்க விழாவைத் தொடர்ந்து, மெக்சிகோ மற்றும் தென்னாப்பிரிக்க அணிகளுக்கு இடையிலான உலகக் கிண்ணத் தொடரின் முதலாவது போட்டி இலங்கை நேரப்படி ஜூன் 12ஆம் திகதி அதிகாலை 12.30 மணிக்கு ஆரம்பமாகவுள்ளது.
அத்துடன், கொலம்பியாவின் ரெகாடன் பாடகர் ஜே பால்வின் மற்றும் தென்னாப்பிரிக்காவின் பாடகி டைலா ஆகியோரும் மெக்சிகோவில் நடைபெறவுள்ள இந்த ஆரம்ப விழாவில் பங்கேற்று பாடவுள்ளனர்.
இந்த முறை உலகக் கிண்ணத் தொடரை நடத்தும் அமெரிக்கா, கனடா மற்றும் மெக்சிகோ ஆகிய மூன்று நாடுகளிலும், அந்தந்த நாடுகளின் முதலாவது போட்டிகளுக்கு முன்னதாக தனித்தனியாக ஆரம்ப விழாக்கள் நடைபெறவுள்ளமை சிறப்பம்சமாகும்.
