உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

இலங்கை அணி 41 ஓட்டங்களால் அபார வெற்றி!

160 பார்வைகள்

மேற்கிந்தியத் தீவுகள் அணிக்கு எதிராக நடைபெற்ற முதலாவது ஒருநாள் சர்வதேச கிரிக்கெட் போட்டியில் 41 ஓட்டங்களால் வெற்றி பெற்ற இலங்கை அணி, 3 போட்டிகள் கொண்ட தொடரில் 1-0 என முன்னிலை பெற்றுள்ளது.

போட்டியில் முதலில் துடுப்பெடுத்தாடிய இலங்கை அணி, நிர்ணயிக்கப்பட்ட 50 ஓவர்களில் 7 விக்கெட்டுகளை இழந்து 303 ஓட்டங்களைப் பெற்றது.

இதற்குப் பதிலளித்து துடுப்பெடுத்தாடிய மேற்கிந்தியத் தீவுகள் அணி, 49.2 ஓவர்களில் அனைத்து விக்கெட்டுகளையும் இழந்து 262 ஓட்டங்களை மாத்திரமே பெற்றது.

இலங்கை அணி சார்பில் பொறுப்புடன் துடுப்பெடுத்தாடிய ஆரம்பத் துடுப்பாட்ட வீரர் பதும் நிஸ்ஸங்க, 103 பந்துகளுக்கு முகம் கொடுத்து 79 ஓட்டங்களைப் பெற்றதுடன், தனது 19ஆவது ஒருநாள் அரைச்சதத்தையும் பூர்த்தி செய்தார்.

அவரது இந்த இன்னிங்ஸில் 9 நான்கு ஓட்டங்களும் ஒரு ஆறு ஓட்டமும் அடங்கும்.

அதேபோல், அணியின் தலைமைத்துவப் பொறுப்பை ஏற்றுக்கொண்ட புதிய தலைவர் குசல் மெந்திஸ் அதிரடியாகத் துடுப்பெடுத்தாடி, 62 பந்துகளில் தனது 35ஆவது ஒருநாள் அரைச்சதத்தைப் பதிவு செய்து 72 ஓட்டங்களைப் பெற்றார்.

இவர்களைத் தவிர, நடுத்தர வரிசையை வலுப்படுத்திய சரித் அசலங்க (45 ஓட்டங்கள்) மற்றும் ஜனித் லியனகே (ஆட்டமிழக்காமல் 44 ஓட்டங்கள்) ஆகியோரும் திறமையாகத் துடுப்பெடுத்தாடி, இலங்கை அணியின் ஓட்டப் பலகையை 300 ஓட்டங்கள் எல்லைக்கு மேல் கொண்டு செல்ல சிறந்த பங்களிப்பை வழங்கினர்.

பந்துவீச்சில் மேற்கிந்தியத் தீவுகள் அணி சார்பில் மெதிவ் போர்ட் 9 ஓவர்களில் 44 ஓட்டங்களுக்கு 2 விக்கெட்டுகளையும், ரொஸ்டன் சேஸ் 10 ஓவர்களில் 47 ஓட்டங்களுக்கு 2 விக்கெட்டுகளையும் கைப்பற்றினர்.

இந்தப் போட்டி நடைபெற்ற ஜமைக்காவின் சபீனா பார்க் மைதானத்தில், இலங்கை அணி ஒருநாள் போட்டி ஒன்றில் விளையாடுவது 13 வருடங்களுக்குப் பின்னராகும் என்பது குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

91 0 0