ஹட்டன் பிரதான வீதியில் வாகன விபத்தில் இரண்டு பேருந்துகள் சேதமடைந்துள்ளன!

ஹட்டன் பிரதான வீதியில் நேற்று மாலை இடம் பெற்ற வாகன விபத்தில் இரண்டு பேருந்துகள் சிறியளவில் சேதமடைந்துள்ளன. இவ்விபத்து, இரண்டு பேருந்துகளும் ஒன்றுக்கொன்று முந்திச் செல்ல முயற்சித்த போது ஏற்பட்டதாக ஆரம்பகட்ட தகவல்கள் தெரிவிக்கின்றன.

விபத்தின் போது தனியார் அரச பேருந்துகளில் பயணித்த பயணிகள் சிலர் அச்சமடைந்திருந்த போதிலும், உயிர் சேதமோ கடுமையான காயங்களோ எதுவும் பதிவாகவில்லை என தெரிவிக்கப்படுகிறது.

விபத்தினால் அந்தப் பகுதியில் சில நேரம் போக்குவரத்து நெரிசல் ஏற்பட்டதுடன், பின்னர் பொலிஸார் மற்றும் பொதுமக்களின் உதவியுடன் போக்குவரத்து சீரமைக்கப்பட்டது. சம்பவம் தொடர்பில் மேலதிக விசாரணைகளை ஹட்டன் போக்குவரத்து பொலிசார் மேற்கொண்டனர்.