உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

ஜனாதிபதிக்கு மேல் ஒரு பூஜ்ஜிய பிரஜை; பெலவத்தையில் இருந்து உத்தரவுகள் பிறப்பிப்பு.!

இலங்கை செய்திகள் 7 மாதங்கள் முன்
61 பார்வைகள்

“நாட்டின் முதலாம் பிரஜையான ஜனாதிபதிக்கு மேல், பெலவத்தையில் ஒரு ‘பூஜ்ஜிய பிரஜை’ இருந்து கொண்டு உத்தரவுகளைப் பிறப்பிக்கின்றார்” என்று பிவிதுரு ஹெல உறுமயவின் தலைவர் உதய கம்மன்பில குற்றச்சாட்டை முன்வைத்துள்ளார்.

திறைசேரி அதிகாரி ரங்க ராஜபக்ஷவின் மரணம் தொடர்பாக, நேற்று சனிக்கிழமை குளியாப்பிட்டிய பொலிஸ் நிலையத்தில் வாக்குமூலம் அளித்த பின்னர் ஊடகங்களுக்குக் கருத்துத் தெரிவித்த போதே அவர் இவ்வாறு குறிப்பிட்டார்.

ரங்க ராஜபக்ஷவின் மரணம் சந்தேகத்துக்குரியது என அவரது மனைவி முறைப்பாடு செய்துள்ளதாகத் தான் குறிப்பிட்ட கருத்து, சுகாதார சேவைகள் பணிப்பாளர் நாயகத்தின் உத்தியோகபூர்வ கடிதத்தை அடிப்படையாகக் கொண்டது என்று கம்மன்பில விளக்கமளித்தார்.

“மரண பரிசோதனைக் குழுவை நியமிக்கும் கடிதத்தில், ‘மனைவி முறைப்பாடு செய்துள்ளார்’ என ஆங்கிலத்தில் மிகத் தெளிவாகக் குறிப்பிடப்பட்டுள்ளது. பொலிஸாருக்கு ஆங்கிலம் விளங்கும், ஆனால் பெலவத்தையில் இருக்கும் அந்த பூஜ்ஜிய பிரஜைக்குத்தான் ஆங்கிலம் விளங்கவில்லை” என்றும் அவர் சாடினார்.

பிரேத பரிசோதனை அறிக்கையைத் தான் ஏற்காததற்கான ஐந்து காரணங்களை பொலிஸாரிடம் முன்வைத்துள்ளதாகத் தெரிவித்த அவர், ஒரு மரணம் குறித்துச் சந்தேகம் எழுப்ப மனைவிக்கு மட்டுமே உரிமை உண்டு என்பதில்லை, நாட்டின் எந்தவொரு குடிமகனுக்கும் அந்த உரிமை உண்டு என்றும் சுட்டிக்காட்டினார்.

“கபில சந்திரசேன இறப்பதற்கு முன்னர், இலஞ்ச, ஊழல் ஆணைக்குழுவின் பணிப்பாளர் நாயகம் தன்னைத் தூக்கிலிடுமாறு அச்சுறுத்தியதாகத் தனது சத்தியக் கடதாசியில் குறிப்பிட்டுள்ளார். குளியாப்பிட்டிய பொலிஸார் அவ்வாறு நடந்துகொள்ளாமல் இருப்பது மகிழ்ச்சியளிக்கின்றது” என்றும் அவர் தெரிவித்தார்.

தேசிய மக்கள் சக்தி அரசு தங்களை அலைக்கழித்து சோர்ந்து போகச் செய்ய முயற்சிப்பதாகவும், ஆனால் இத்தகைய அச்சுறுத்தல்களுக்கு அஞ்சித் தனது அரசியல் பயணத்தை நிறுத்தப் போவதில்லை என்றும் உதய கம்மன்பில இதன்போது சூளுரைத்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

157 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

146 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

136 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

135 0 0