உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

மாற்றுத்திறனாளிகளுக்கான விளையாட்டு போட்டி- 2026!

இலங்கை செய்திகள் 7 மாதங்கள் முன்
56 பார்வைகள்

சமூக சேவைகள் திணைக்களத்தின் ஏற்பாட்டிலும், மாவட்ட செயலகத்தின் ஒழுங்கமைப்பிலும் திருகோணமலை மாவட்ட மாற்றுத்திறனாளிகளுக்கான மெய்வல்லுனர் விளையாட்டு போட்டி மேலதிக மாவட்ட அரசாங்க அதிபர் எஸ். சுதாகரன் அவர்களின் தலைமையில் இ.கி.ச. ஸ்ரீ கோணேஸ்வரா இந்துக்கல்லூரி மைதானத்தில் மிகச் சிறப்பாக நடைபெற்றது.

இந்நிகழ்வில் உரையாற்றிய மேலதிக மாவட்ட அரசாங்க அதிபர் அவர்கள், சமூக சேவைகள் திணைக்களத்தின் ஏற்பாட்டில் நடைபெறும் இத்தகைய நிகழ்வுகள் மிகவும் வரவேற்கத்தக்கவை எனவும், இவ்வாறான வாய்ப்புகள் அடிக்கடி கிடைப்பதில்லை எனவும் குறிப்பிட்டார்.

மேலும், மாற்றுத்திறனாளிகள் இவ்வாய்ப்புகளை பயனுள்ளதாக பயன்படுத்தி தேசிய மட்டத்தில் தங்களது திறமைகளை வெளிப்படுத்த வேண்டும் எனவும் கேட்டுக்கொண்டார்.

இந்நிகழ்வில் சமூக சேவைகள் திணைக்களத்தின் வகைப்படுத்தல்களுக்கு அமைவாக மாற்றுத்திறனாளிகள் பிரிக்கப்பட்டு, அவர்களுக்கேற்ற வகையில் பல்வேறு விளையாட்டு போட்டிகள் மிகச் சிறப்பாக நடத்தப்பட்டன.

போட்டிகளில் முதலாம், இரண்டாம் மற்றும் மூன்றாம் இடங்களைப் பெற்ற போட்டியாளர்களுக்கு மேலதிக மாவட்ட அரசாங்க அதிபர் அவர்களால் சான்றிதழ்களும் பரிசுகளும் வழங்கப்பட்டன.

மேலும், பிரதேச செயலகப் பிரிவுகளில் கடமையாற்றும் சமூக சேவைகள் உத்தியோகத்தர்களும், முதியோர் சேவைகளில் ஈடுபடும் உத்தியோகத்தர்களும் இந்நிகழ்வில் கலந்து கொண்டு, வெற்றி பெற்ற மாற்றுத்திறனாளிகளுக்கு சான்றிதழ்கள் மற்றும் பரிசில்களை வழங்கி வைத்தனர்.

இந்நிகழ்வில் திருகோணமலை மாவட்ட சமூக சேவைகள் திணைக்கள இணைப்பாளர் த. பிரணவன் மற்றும் மாவட்ட விளையாட்டு உத்தியோகத்தர் உமா சுதன் ஆகியோரும் கலந்து கொண்டு நிகழ்வை சிறப்பித்தனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

153 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

145 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

135 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

134 0 0