தரம் 6 கல்வி சீர்திருத்தங்கள் 2027 ஜனவரி மாதத்தில் செயல்படுத்தப்படும் என்று பிரதமரும் கல்வி அமைச்சருமான ஹரினி அமரசூரிய தெரிவித்துள்ளார். சீர்திருத்தங்களுக்கான அனைத்து ஏற்பாடுகளும் நடைபெற்று வருவதாக இன்று 05 ஆம் திகதி நாடாளுமன்றத்தில் உரையாற்றும் போது அவர் குறிப்பிட்டார்.
முன்னர் அச்சிடப்பட்ட பாடத்திட்டங்களில் உள்ள குறைபாடுகளை ஆய்வு செய்ய நியமிக்கப்பட்ட குழு, தனது ஆய்வை முடித்து, திருத்தங்களைப் பரிந்துரைத்து, கலந்துரையாடல்களை இறுதி செய்துள்ளது. திருத்தப்பட்ட பாடத் தொகுப்புகள் இந்த மாதம் அச்சிடுவதற்கு அனுப்பப்படும்.
புதிய சீர்திருத்தங்களின் கீழ் ஆசிரியர் பயிற்சி ஜூன் மாதத்தில் தொடங்கும், அதற்கான நிதி ஏற்கனவே ஒதுக்கப்பட்டுள்ளது. சீர்திருத்தங்கள் குறித்த ஆசிரியர்கள், பெற்றோர்கள் மற்றும் மாணவர்களுக்கான விளக்கக் கூட்டங்கள் ஜூலை மாதம் தொடங்கும் என்றும் அவர் கூறினார்.
எதிர்க்கட்சி நாடாளுமன்ற உறுப்பினர் சாமர சம்பாத் தசநாயக்க எழுப்பிய கேள்விகளுக்குப் பதிலளிக்கும் வகையிலேயே பிரதமர் இந்தக் கருத்துக்களைத் தெரிவித்தார்.
