உள்ளடக்கத்திற்குச் செல்க
நவம்பர் 2026
23 திங்கள்
4210 பேர் இப்போது பார்க்கின்றனர்

சர்வதேச ரீதியில் இலங்கை கடவுச்சீட்டுக்கு கிடைத்த இடம்!

இலங்கை செய்திகள் 7 மாதங்கள் முன்
86 பார்வைகள்

2026 ஆம் ஆண்டிற்கான ஹென்லி கடவுச்சீட்டு குறியீட்டில் இலங்கை 93 வது இடத்தைப் பிடித்துள்ளது.இதன் மூலம் இலங்கை கடவுச்சீட்டு வைத்திருப்பவர்கள் உலகளவில் 39 நாடுகளுக்கு விசா இன்றி அல்லது எளிமையான விசா நடைமுறைகள் மூலம் பயணிக்க முடியும் என தெரிவிக்கப்படுகிறது.

இது அண்மைக்கால நிலையை விட முன்னேற்றமாகக் கருதப்பட்டாலும், ஒரு காலத்தில் இருந்த நிலையிலிருந்து இன்னும் பின்தங்கியெ இருப்பதாக கூறப்படுகிறது. ஒரு இலங்கையர் வெளிநாடுகளுக்குச் சென்று பணிபுரியவோ, கல்வி கற்கவோ அல்லது வாய்ப்புகளைப் பயன்படுத்திக் கொள்ளவோ முனையும்போது, அவர் எதிர்கொள்ளும் நடைமுறைச் சிக்கல்களை இந்தத் தரவரிசை பிரதிபலிக்கிறது.

சர்வதேச வான்வழி போக்குவரத்து சங்கத்தின் தரவுகளைக் கொண்டு 199 நாடுகளின் கடவுச்சீட்டுகளை ஒப்பிட்டுத் தயாரிக்கப்படும் இந்தக் குறியீடு, ஒரு பயணி முன்கூட்டியே விசா பெறாமல் எத்தனை நாடுகளுக்குள் நுழைய முடியும் என்பதை அளவிடுகிறது.

ஒரு நாட்டின் தரவரிசை குறையும் போது, அந்த நாட்டுப் பயணி சமர்ப்பிக்க வேண்டிய ஆவணங்கள் மற்றும் விளக்கங்களின் அளவு அதிகரித்து, பயண சுதந்திரம் பெருமளவில் பாதிக்கப்படுகிறது.இலங்கையின் இந்தத் தற்போதைய நிலை ஒரே நாளில் ஏற்பட்டதல்ல, கடந்த இருபது ஆண்டுகளில் உலகளாவிய ரீதியில் இலங்கை கடவுச்சீட்டின் வலிமை படிப்படியாகச் சரிவடைந்து வந்துள்ளது.

குறிப்பாக, 2006 ஆம் ஆண்டில் 74 வது இடத்தில் இருந்த இலங்கை, அடுத்தடுத்த ஆண்டுகளில் சரிவைச் சந்தித்து 2011 இல் 92 வது இடத்தையும், 2012 இல் 96 வது இடத்தையும் அடைந்தது. உள்நாட்டுப் போர் முடிவடைந்த பின்னரும் கூட இந்த வீழ்ச்சி தொடர்ந்ததுடன், 2015 ஆம் ஆண்டில் ஒரே வருடத்தில் 101 வது இடத்திற்குத் தள்ளப்பட்டு பாரிய வீழ்ச்சியைச் சந்தித்தது.

நாட்டின் பொருளாதார நெருக்கடி, அந்நியச் செலாவணி தட்டுப்பாடு மற்றும் அதிகரித்த புலம்பெயர்வு ஆகிய காரணங்களால் 2021 ஆம் ஆண்டில் இலங்கை தனது வரலாற்றிலேயே மிகக் குறைந்த தரவரிசையான 107 வது இடத்தைப் பதிவு செய்தது.

அதன்பின்னர் மெதுவான மீட்சியை நோக்கி நகர்ந்து வரும் இலங்கை, 2024 மற்றும் 2025 இல் 96 வது இடத்தில் இருந்து தற்போது 2026 இல் 93 வது இடத்திற்கு முன்னேறியுள்ளது.

இது கடந்த பத்து ஆண்டுகளில் பதிவான சிறந்த நிலையாக இருந்தாலும், கடந்த இருபது ஆண்டுகளில் இலங்கை தனது உலகளாவிய பயண வலிமையில் சுமார் 20 இடங்களை இழந்துள்ளமையையே இந்தத் தரவுகள் உணர்த்துகின்றன.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

146 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

135 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

129 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

129 0 0