உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

நம்பிக்கையில்லா வாக்கெடுப்பில் வென்றாலும் மக்கள் எதிர்ப்பில் வீழ்ந்தது அநுர அரசாங்கம்.!

இலங்கை செய்திகள் 7 மாதங்கள் முன்
123 பார்வைகள்

“அரசு நாடாளுமன்றத்தில் பெரும்பான்மையுடன் நம்பிக்கையில்லா வாக்கெடுப்பில் வெற்றி பெற்றாலும், இறுதியில் மக்கள் எழுச்சிக்கு முன்னால் தலைவணங்க நேரிட்டது” என்று எதிர்க்கட்சித் தலைவர் சஜித் பிரேமதாஸ தெரிவித்தார்.

திஸ்ஸமஹாராம, சுதுவெலி பெளஸ்ஸ பகுதியில் இன்று நடைபெற்ற புத்தாண்டு விளையாட்டு விழாவில் கலந்துகொண்ட பின்னர், ஊடகங்களுக்குக் கருத்துத் தெரிவிக்கும் போதே அவர் இதனைக் கூறினார்.

வலுசக்தித் துறையில் நிலவும் நெருக்கடி குறித்து அவர் மேலும் கூறுகையில்,
“லக்விஜய மின் உற்பத்தி நிலையத்தில் தரமற்ற நிலக்கரி பயன்படுத்தப்படுவதை நாம் தொடர்ச்சியாகச் சான்றுகளுடன் நிரூபித்து வந்தோம். அரசு அதனை மறுத்து, அமைச்சரைக் காப்பாற்றப் நாடாளுமன்றத்தில் 153 வாக்குகளைப் பெற்று நம்பிக்கையில்லா வாக்கெடுப்பில் வென்றது. ஆனால், உண்மையான தரவுகளை நாம் மக்களிடம் கொண்டு சென்றதால் ஏற்பட்ட பலத்த எதிர்ப்பால், இறுதியில் அமைச்சரும் செயலாளரும் இராஜினாமா செய்ய வேண்டிய நிலை ஏற்பட்டது. இது மக்கள் சக்திக்குக் கிடைத்த வெற்றி.” – என்றார்.

அரசு எரிபொருள் மாபியாவின் பங்காளியாக மாறிவிட்டது என்று குற்றம் சாட்டிய அவர், சர்வதேச சந்தை விலையை விட அதிக பிரீமியம் செலுத்தி எரிபொருள் கொள்வனவு செய்யப்படுவதைச் சுட்டிக்காட்டினார்.

எச்.எஸ்.பி.சி. வங்கியின் உயர் அதிகாரி ஒருவர் எழுப்பியுள்ள கேள்விகள் மூலம் அரசி வெளிப்படைத்தன்மையற்ற கொள்வனவு முறை அம்பலமாகியுள்ளது என்றும் அவர் தெரிவித்தார்.

மத்திய கிழக்கு போர்ச் சூழலைப் பயன்படுத்தி ஏனைய நாடுகள் வரிகளைக் குறைத்து மக்களைப் பாதுகாக்கும் வேளையில், இலங்கை அரசு வரிகளை அதிகரித்து நுகர்வோரை வஞ்சிக்கின்றது என்றும் அவர் சாடினார்.

“துறைமுக இறக்குமதி விலைக்கே எரிபொருள் தருவோம்” என வழங்கிய வாக்குறுதியை அரசு காற்றோடு பறக்கவிட்டுள்ளது என்றும் அவர் குறிப்பிட்டார்.

புதுப்பிக்கத்தக்க ஆற்றல் மற்றும் சூரிய சக்தி முதலீட்டாளர்களை அரசு விரட்டி வருகின்றது என்று தெரிவித்த சஜித் பிரேமதாஸ, ஐக்கிய மக்கள் சக்தி ஆட்சியமைக்கும் போது வெளிப்படையான கொள்வனவு கொள்கையை உருவாக்கி, மின்சார மற்றும் எரிபொருள் நுகர்வோருக்கு நேர்மையான சேவையை வழங்கும் என்றும் உறுதியளித்தார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

கோப்பாய் மாவீரர் துயிலுமில்லம் முன்பாக மாவீரர் நினைவாலயம் திறந்து வைப்பு!

கோப்பாய் மாவீரர் துயிலுமில்லம் முன்பாக மாவீரர்களின் திருவுருவப் படங்கள் மற்றும் பெயர்கள் பொறிக்கப்பட்ட நினைவாலயம் இன்று திறந்து வைக்கப்பட்டுள்ளது. பொதுச்சுடர் ஏற்றப்பட்டு, மலர்வணக்கம் செலுத்தப்பட்டதைத் தொடர்ந்து மக்கள்…

21 0 0
இலங்கை செய்திகள்

யாழ்ப்பாணம் பண்ணைப் பகுதியில் விபத்து!

யாழ்ப்பாணம் பண்ணை சுற்றுவட்டப் பகுதியில் இன்று (22) இரவு 7 மணியளவில் கட்டுப்பாட்டை இழந்த சிறிய ரக மகிழுந்து ஒன்று, வீதியோரத்தில் நிறுத்தப்பட்டிருந்த 10 இற்கும் மேற்பட்ட…

111 0 0
இலங்கை செய்திகள்

கூகுள் வரைபடத்தை அடிப்படையாகக் கொண்டு அபகரிக்கப்பட்ட காணிகளை மக்களுக்கு மீள வழங்க வேண்டும்!

வடக்கு மாகாணத்தில் வனப் பாதுகாப்புத் திணைக்களம், வனஜீவராசிகள் திணைக்களம் மற்றும் தொல்பொருள் திணைக்களம் ஆகிய அரச நிறுவனங்களின் வசமுள்ள காணிகளை மக்களுக்கு விடுவிக்க நடவடிக்கை எடுக்குமாறு ஈ.பி.டி.பி.…

121 0 0
இலங்கை செய்திகள்

மழையை நம்பி மேற்கொள்ளப்பட்ட காலபோக நெற்ச்செய்கை மழையின்மையால் பாதிப்பு

கிளிநொச்சி மாவட்டத்தில் 2026 /.2027 ஆம் ஆண்டுக்கான பெரும் போகநெற்செய்கை கொள்ளப்பட்டுள்ள நிலையில் கிளிநொச்சி நெத்தலியாறு பகுதியில் மழையை நம்பி நெற்செய்கை மேற்கொண்ட விவசாயிகள் பாதிக்கப்பட்டுள்ளனர். விவசாய…

125 0 0