உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

முல்லன்பூரில் சிக்ஸர் மழை; 54 ஓட்டத்தால் லக்னோவை வீழ்த்திய பஞ்சாப்!

83 பார்வைகள்

2026 இந்தியன் பிரீமியர் லீக் தொடரில் ஞாயிற்றுக்கிழமை 19 ஆம் திகதி இரவு நடைபெற்ற போட்டியில் பிரியான்ஷ் ஆர்யா மற்றும் கூப்பர் கானலி ஆகியோர் தங்களது பிரமிக்க வைக்கும் சிக்ஸர் மழையால் முல்லன்பூர் மைதானத்தை அதிர வைத்தனர்.

ஆர்யா (37 பந்துகளில் 93 ஓட்டம்) மற்றும் கானலி (46 பந்துகளில் 87 ஓட்டம்) ஆகியோரின் அதிரடி ஆட்டம் அதனைத் தொடர்ந்த கச்சிதமான பந்துவீச்சினால் பஞ்சாப் கிங்ஸ் அணி லக்னோ சூப்பர் ஜெயண்ட்ஸ் அணியை 54 ஓட்டங்கள் வித்தியாசத்தில் அபாரமாக வீழ்த்தியது.

இந்த வெற்றியின் மூலம், பஞ்சாப் கிங்ஸ் அணி புள்ளிப் பட்டியலில் முதலிடத்திற்கு முன்னேறியது.

முல்லன்பூதிரில் அமைந்துள்ள மகாராஜா யதவிந்திர சிங் சர்வதேச கிரிக்கெட் மைதானத்தில் நேற்றிரவு ஆரம்பமான இப் போட்டியில் நாணய சுழற்சியில் வெற்றி பெற்ற லக்னோ சூப்பர் ஜெயண்ட்ஸ் அணி முதலில் பந்து வீசுவதற்கு தீர்மானித்தது.

அதன்படி, முதலில் துடுப்பெடுத்தாடிய பஞ்சாப் கிங்ஸ் அணியானது 20 ஓவர்களில் 7 விக்கெட் இழப்புக்கு 254 ஓட்டங்களை குவித்தது.

ஆரம்ப வீரராக களமிறங்கிய பிரப்சிம்ரன் சிங் எதுவித ஓட்டமின்று தன முதலாவது பந்திலேயே ஆட்டமிழந்து வெளியேறி ஏமாற்றம் அளித்தார்.

எனினும் இரண்டாவது விக்கெட்டுக்காக பிரியான்ஷ் ஆர்யா மற்றும் கூப்பர் கானலி ஆகியோர் வலுவான கூட்டணி அமைத்து 182 ஓட்டங்களை பகிர்ந்து கொண்டனர்.

பிரியான்ஷ் ஆர்யா 37 பந்துகளில் 4 பவுண்டரிகள் மற்றும் ஒன்பது சிக்ஸர் அடங்கலாக 93 ஓட்டங்களை எடுத்தார்.

கூப்பர் கானலி 46 பந்துகளில் 7 சிக்ஸர், 8 பவுண்டரிகள் அடங்கலாக 87 ஓட்டங்களை எடுத்தார்.

பின்னர் கடினமான வெற்றி இலக்கினை நோக்கி பதிலுக்குத் துடுப்பெடுத்தாடிய லக்னோ சூப்பர் ஜெயண்ட்ஸ் அணியானது 20 ஓவர்களில் 200 ஓட்டங்களை மாத்திரம் எடுத்தது.

அணி சார்பில் அதிகபடியாக ரிஷப் பந்த் 43 ஓட்டங்களையும், ஐடன் மார்க்ராம் 42 ஓட்டங்களையும் மற்றும் மிட்செல் மார்ஷ் 40 ஓட்டங்களையும் அதிகபடியாக எடுத்தனர்.

இந்த வெற்றியானது நடப்பு ஐபிஎல் சீசனில் பஞ்சாபின் தோல்வியற்ற பயணத்தை நீட்டித்தது.

அதே நேரத்தில் லக்னோ அணி தொடர்ச்சியாக மூன்றாவது தோல்வியைச் சந்தித்து, எட்டாவது இடத்திற்குத் தள்ளப்பட்டது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

91 0 0