உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

ஜூன் மாதம் வரை எரிபொருள் உண்டு.!

இலங்கை செய்திகள் 8 மாதங்கள் முன்
61 பார்வைகள்

“மத்திய கிழக்கு மோதல்கள் காரணமாக எரிபொருள் விலை உயர்வடைந்த போதிலும், தற்போது விநியோகக் கட்டமைப்பு வழமைக்குத் திரும்பியுள்ளதுடன் எதிர்வரும் ஜூன் மாதம் வரை தேவையான எரிபொருள் கையிருப்பில் உள்ளது” என்று எரிசக்தி அமைச்சர் குமார ஜயக்கொடி தெரிவித்தார்.

நாடாளுமன்றத்தில் நேற்று புதன்கிழமை நடைபெற்ற நாட்டின் தற்போதைய நிலைவரம் தொடர்பான சபை ஒத்திவைப்பு விவாதத்தில் உரையாற்றுகையிலேயே அவர் இதனைக் கூறினார்.

அவர் மேலும் உரையாற்றுகையில்,
“மத்திய கிழக்கில் ஏற்பட்ட போர்ச் சூழலால் பூகோள ரீதியாக எரிபொருள் விநியோகம் பாதிக்கப்பட்டது. குறிப்பாக, எரிபொருள் கப்பல்களுக்கான வாடகைக் கட்டணம் மற்றும் காப்புறுதிக் கட்டணங்கள் சடுதியாக உயர்ந்தமையே உள்நாட்டில் எரிபொருள் விலை அதிகரிப்பதற்குக் பிரதான காரணங்களாக அமைந்தன.

கடந்த பெப்ரவரி மாதத்தில் போதியளவு எரிபொருள் கையிருப்பில் இருந்த போதிலும், தட்டுப்பாடு ஏற்படும் என்ற அச்சத்தில் பொதுமக்கள் வழமைக்கு மாறாக அதிகளவில் எரிபொருளைக் கொள்வனவு செய்தார்கள். இதனால் கேள்வி அதிகரித்ததே தவிர, உண்மையில் எரிபொருளுக்குத் தட்டுப்பாடு நிலவவில்லை. கறுப்புச் சந்தையை ஒழிக்கவே கியூ.ஆர். முறைமை மற்றும் வாகன இலக்கத் தகடுகளின் இரட்டை எண் அடிப்படையில் விநியோகிக்கும் முறையை மீண்டும் அறிமுகப்படுத்த வேண்டியிருந்தது.

தற்போது எரிபொருள் விநியோகக் கட்டமைப்பு முழுமையாக வழமைக்குத் திரும்பியுள்ளதுடன், எரிபொருள் நிலையங்களில் எவ்வித வரிசைகளும் இல்லை. ஜூன் மாதம் வரையான காலப்பகுதிக்குத் தேவையான எரிபொருள் எம்மிடம் கையிருப்பில் உள்ளது. கொள்வனவு செய்யப்பட்ட எரிபொருள் கப்பல்கள் தொடர்ச்சியாக நாட்டுக்கு வரவுள்ளதால், விநியோகத்தில் எவ்வித பாதிப்பும் ஏற்படாது.

எரிபொருள் விநியோகத்தை முறையாக முகாமைத்துவம் செய்வதன் மூலம் நுகர்வோருக்குத் தொடர்ச்சியான சேவையை வழங்க அரசு அர்ப்பணிப்புடன் இருக்கின்றது.” – என்றார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

தொல். திருமாவளவனுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் வழங்கி வைப்பு!

விடுதலைச் சிறுத்தைகள் கட்சியின் தலைவரும் இந்திய நாடாளுமன்ற உறுப்பினருமான தொல். திருமாவளவன் அவர்களுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் அடங்கிய தொகுதி ஒன்று வழங்கி வைக்கப்பட்டது.…

121 0 0
இலங்கை செய்திகள்

திறைசேரி நிரம்பி வழிந்தாலும் மக்கள் கையில் பணம் இல்லை : சஜித் விசனம்!

“திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பாரிய பிரச்சினையாகக் காணப்படுகின்றது” என்று எதிர்க்கட்சித் தலைவர் சஜித் பிரேமதாஸ தெரிவித்தார். கொழும்பு பண்டாரநாயக்க…

127 0 0
இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

134 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

136 0 0