உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

சொகுசு பேருந்துகளில் விசேட சோதனை.!

இலங்கை செய்திகள் 8 மாதங்கள் முன்
70 பார்வைகள்

எதிர்வரும் சித்திரைப் புத்தாண்டை முன்னிட்டு பொதுமக்களின் நலன் கருதி நுவரெலியா மாவட்ட அபிவிருத்திக் குழுவின் தலைவரும் நாடாளுமன்ற உறுப்பினருமான மஞ்சுள சுரவீர ஆராச்சியின் பணிப்புரைக்கமைய மத்திய மாகாண பயணிகள் போக்குவரத்து அதிகாரசபையின் அதிகாரிகள் பேருந்துகளை சோதனை செய்யும் விசேட நடவடிக்கையை ஆரம்பித்திருந்தனர்.

அதன்படி நேற்று மாலை (07) நுவரெலியா – ஹட்டன் ஏ7 பிரதான வீதியை உள்ளடக்கும் வகையில் நானுஓயா நகரில் விசேட சோதனைகள் மேற்கொள்ளப்பட்டது.

பயணிகளிடம் அதிக பணம் வசூலிப்பது, மீதி பணத்தை தராமல் இருப்பது, டிக்கெட் வழங்காதது, அதிக சத்தம் எழுப்பும் வகையில் ஒலிபெருக்கி பயன்படுத்துவது, பேருந்தில் உள்ள பல்வேறு அலங்காரங்கள் குறித்து சோதனை நடத்தப்பட்டது.

பயணிகளிடம் இருந்து தொடர்ந்து கிடைத்த முறைப்பாட்டின் அடிப்படையில் இந்த நடவடிக்கைகள் மேற்கொள்ளப்படுவதாகவும் இதன்போது நுவரெலியாவிலிருந்து ஹட்டன் வரை சென்ற சொகுசு பேருந்து ஒன்றில் நடத்துனர் ஒருவர் தலவாக்கலை வரை சென்ற பயணிகளிடம் 300 ரூபாய் பணம் அறவிடப்பட்டிருந்தமை கண்டுபிடிக்கப்பட்டு அபராதம் விதிக்கப்பட்டுள்ளது.

மேலும், இருக்கைகளின் எண்ணிக்கைக்கு மேலாக இருந்த பயணிகள் பயணம் செய்ய பேருந்துகளுக்கும் அபராதம் விதிக்கப்பட்டுள்ளது.

நுவரெலியா – ஹட்டன் அரை சொகுசு பேருந்துகளில் இருக்கைகளின் எண்ணிக்கைக்கு மட்டுமே பயணிகளை ஏற்றிச் செல்ல வேண்டும் எனவும் குளிரூட்டப்படுதல் அவசியம் எனவும் இதன் போது சாரதிகளுக்கும் நடத்துநர்களுக்கும் எச்சரிக்கை வழங்கப்பட்டது.

தொடர்ந்து நுவரெலியா – ஹட்டன் சொகுசு வகைகளின் கீழ் இயங்கும் தனியார் பேருந்துகள், பேருந்தில் உள்ள இருக்கைகளின் எண்ணிக்கையை விட இரண்டு முதல் மூன்று மடங்கு அதிக பயணிகளை ஏற்றிச் செல்வதாக பயணிகளிடம் இருந்து முறைப்பாடுகள் கிடைப்பதாகவும் தெரிவித்தனர்.

இதன்படி விதிமீறல் இருந்த அனைத்து பேருந்துகளுக்கும் சட்டம் அமுல்படுத்தப்பட்டுள்ளது.

குறிப்பாக சொகுசு பேருந்துகளில் சாதாரண பேருந்து கட்டணத்தை விட இருமடங்கு கட்டணமும் அறவிடப்படுகிறமை குறிப்பிடத்தக்கது.

தற்போது திருத்தப்பட்ட பேருந்து கட்டணங்களைப் பேருந்துகளுக்குள் பயணிகளுக்கு காட்சிப்படுத்துமாறும் அவ்வாறு செய்யாத பேருந்துகளின் உரிமங்கள் தற்காலிகமாகவோ அல்லது நிரந்தரமாகவோ ரத்து செய்யப்படும் மற்றும் அபராதம் விதிக்கப்படும் என்றும் மத்திய மாகாண பயணிகள் போக்குவரத்து அதிகாரசபை அதிகாரிகள் தெரிவித்தனர்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

தொல். திருமாவளவனுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் வழங்கி வைப்பு!

விடுதலைச் சிறுத்தைகள் கட்சியின் தலைவரும் இந்திய நாடாளுமன்ற உறுப்பினருமான தொல். திருமாவளவன் அவர்களுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் அடங்கிய தொகுதி ஒன்று வழங்கி வைக்கப்பட்டது.…

121 0 0
இலங்கை செய்திகள்

திறைசேரி நிரம்பி வழிந்தாலும் மக்கள் கையில் பணம் இல்லை : சஜித் விசனம்!

“திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பாரிய பிரச்சினையாகக் காணப்படுகின்றது” என்று எதிர்க்கட்சித் தலைவர் சஜித் பிரேமதாஸ தெரிவித்தார். கொழும்பு பண்டாரநாயக்க…

127 0 0
இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

133 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

135 0 0