உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

அமைச்சர் லால் காந்தவின் இரட்டை வேடம் தோலுரிப்பு; எவ்வித தொழிலும் இன்றி மாளிகை கட்டியது எப்படி?

இலங்கை செய்திகள் 8 மாதங்கள் முன்
69 பார்வைகள்

“அரசியல்வாதிகள் எளிமையாக வாழ வேண்டும் எனப் போதித்த லால் காந்தவின் சொகுசு வாழ்க்கை, அவரது அரசியல் இரட்டை வேடத்தைத் தோலுரித்துக் காட்டியுள்ளது” என்று ஸ்ரீலங்கா பொதுஜன பெரமுனவின் முன்னாள் நாடாளுமன்ற உறுப்பினர் சஞ்சீவ எதிரிமான்ன தெரிவித்தார்.

பத்தரமுல்லையிலுள்ள ஸ்ரீலங்கா பொதுஜன பெரமுனவின் கட்சித் தலைமையகத்தில் நேற்று நடைபெற்ற ஊடகவியலாளர் சந்திப்பில் அவர் மேலும் கூறியதாவது,
“கடந்த 60 ஆண்டுகளாகத் தூய அரசியல் பேசுவதாகக் கூறிக்கொண்டு திசைக்காட்டி தரப்பினர் முன்னெடுத்த அரசியல் நாடகத்தை, லால் காந்தவின் இந்த மாளிகை ஒரு சில நிமிடங்களில் உலகிற்கு அம்பலப்படுத்தியுள்ளது. இந்த வீட்டை ஒரு ‘தேசிய மரபுரிமையாக’ அறிவிக்க வேண்டும் என நான் முன்மொழிகின்றேன். அந்தளவிற்கு இது கொள்கை முரண்பாட்டின் அடையாளமாக உள்ளது.

தற்போதைய நாடாளுமன்றக் குழுவில் அரசியலுக்கு வருவதற்கு முன் உயர் மட்டத் தொழில்களில் ஈடுபட்டு, பல இலட்சம் ரூபாய் ஊதியம் பெற்றவர்கள் பெரிய வீடு கட்டுவதில் எவ்விதப் பிரச்சினையும் இல்லை. ஆனால், கடந்த 30 ஆண்டுகளாக எவ்விதத் தொழிலும் அல்லது வியாபாரமும் செய்யாமல், முழுநேர அரசியல்வாதியாக மட்டுமே இருந்த லால் காந்த போன்ற ஒருவரால் இவ்வளவு பெரிய மாளிகையை எப்படிக் கட்ட முடிந்தது?

தன்னிடம் ஒரு சதம் கூட இல்லை என்று கூறிக்கொண்டு, தன் பிள்ளைக்கு ஒரு புல்லாங்குழல் கூட வாங்கிக் கொடுக்க முடியாத ஏழைத் தந்தையர்களைத் தமது பேச்சால் இவர்கள் ஏமாற்றினார்கள். ஆனால், இன்று அந்த மாளிகையில் பியானோக்கள் வாசிக்கப்படுவது மிகப்பெரிய முரண்பாடாகும். அரசியல்வாதிகள் சொத்து சேர்க்கக் கூடாது எனப் போதித்த இவருக்கு, இவ்வாறான மாளிகையில் வாழ்வதற்கு என்ன தார்மீக உரிமை இருக்கின்றது?

இத்தனை காலம் மற்ற அரசியல்வாதிகளின் உடைகள், வாகனங்கள் மற்றும் பிள்ளைகள் குறித்து மிக மோசமாக விமர்சித்தவர்களுக்கு, தற்போது உரிய பதிலடியே கிடைத்துள்ளது. எவ்விதத் தொழிலும் இன்றி முழுநேர அரசியல் செய்துவிட்டு இவ்வளவு சொத்து சேர்த்துள்ள இவர்களின் போலித்தனத்தை இனியாவது சமூகம் புரிந்து கொள்ள வேண்டும்.” – என்றும் சஞ்சீவ எதிரிமான்ன மேலும் வலியுறுத்தினார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

தொல். திருமாவளவனுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் வழங்கி வைப்பு!

விடுதலைச் சிறுத்தைகள் கட்சியின் தலைவரும் இந்திய நாடாளுமன்ற உறுப்பினருமான தொல். திருமாவளவன் அவர்களுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் அடங்கிய தொகுதி ஒன்று வழங்கி வைக்கப்பட்டது.…

119 0 0
இலங்கை செய்திகள்

திறைசேரி நிரம்பி வழிந்தாலும் மக்கள் கையில் பணம் இல்லை : சஜித் விசனம்!

“திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பாரிய பிரச்சினையாகக் காணப்படுகின்றது” என்று எதிர்க்கட்சித் தலைவர் சஜித் பிரேமதாஸ தெரிவித்தார். கொழும்பு பண்டாரநாயக்க…

126 0 0
இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

132 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

135 0 0