உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

நிலக்கரி மோசடியின் பின்னணியில் அநுர.!

இலங்கை செய்திகள் 8 மாதங்கள் முன்
133 பார்வைகள்

நாட்டில் இடம்பெற்றுள்ளதாகக் கூறப்படும் நிலக்கரி மோசடியின் பின்னணியில் ஜனாதிபதி அநுரகுமார திஸாநாயக்க இருப்பதாக ஸ்ரீலங்கா பொதுஜன பெரமுனவின் தேசிய அமைப்பாளர் நாமல் ராஜபக்ஷ குற்றம் சுமத்தியுள்ளார்.

இன்று வியாழக்கிழமை (02) நெலும் மாவத்தையிலுள்ள கட்சித் தலைமையகத்தில் நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கையிலேயே அவர் இதனைத் தெரிவித்தார்.

அவர் மேலும் கருத்து தெரிவிக்கையில்,
இந்த அரசாங்கத்தின் கொள்கையானது, மற்றவர் பையைத் திருடிவிட்டு ‘திருடன் திருடன்’ என கத்திக்கொண்டு ஓடும் ஒரு பிக்பொக்கெட் திருடனின் செயலைப் போன்றது. நிலக்கரி மோசடியுடன் தொடர்புடையவர்களை ஜனாதிபதி பாதுகாக்கின்றார். ஜனாதிபதியின் செயற்பாடுகள் மற்றும் அரசாங்கத்தின் நகர்வுகளைப் பார்க்கும்போது, அவரே இந்த மோசடியின் பின்னணியில் இருப்பது தெளிவாகிறது.

தற்போதைய அமைச்சரவை அந்தஸ்துள்ள அமைச்சர் ஒருவர், ஜனாதிபதி விவசாய அமைச்சராக இருந்த காலத்தில் அமைச்சுக்குக் கொண்டுவரப்பட்டவர், அவர் மீது ஏற்கனவே மோசடி குற்றச்சாட்டுகள் உள்ள நிலையில், தற்போது தரமற்ற நிலக்கரியை இறக்குமதி செய்து மீண்டும் மோசடியில் ஈடுபட்டுள்ளார்.

எரிபொருள் விலை மற்றும் மின்சாரக் கட்டணம் அதிகரித்து வரும் நிலையில், அரச ஊழியர்கள், வைத்தியர்கள் மற்றும் அத்தியாவசிய சேவை வழங்குநர்களுக்கான கொடுப்பனவுகள் அதிகரிக்கப்படவில்லை.

விவசாயிகள் அறுவடை செய்யும் நேரத்தில் அரிசியை இறக்குமதி செய்ய அரசாங்கம் திட்டமிடுகிறது. இது உள்நாட்டு விவசாயிகளை அழிக்கும் செயலாகும் என்றார்.

அரசாங்க தரப்பினர் அண்மைக் காலமாக மத வழிபாடுகளில் ஈடுபடுவது குறித்துக் கருத்துத் தெரிவிக்கையில்,
மதத்தை நம்பாதவர்கள், மகா சங்கத்தினரை அவமதித்தவர்கள் மற்றும் தானம் வழங்குவதை ஒரு நாடகமாகப் பார்த்தவர்கள், இன்று புதிய வீட்டிற்குச் செல்லும்போது தானம் வழங்கி மதச் சடங்குகளில் ஈடுபடுவதையிட்டு மகிழ்ச்சியடைகிறேன். இதுவே பௌத்த தர்மத்தின் சக்தி, என ஸ்ரீலங்கா பொதுஜன பெரமுனவின் தேசிய அமைப்பாளர் நாமல் ராஜபக்ஷ தெரிவித்துள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

123 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

128 0 0
இலங்கை செய்திகள்

ஹட்டன் நகரில் தொடர் கொள்ளை!

இன்று காலை (22) ஹட்டன் நகரில் உள்ள பின் சாலையில் அமைந்துள்ள 4 கடைகளில் திருடன் புகுந்துள்ளதாக ஹட்டன் காவல்துறை தெரிவித்துள்ளது. தங்கப் பொருட்கள் தயாரிக்கும் 3…

120 0 0
இலங்கை செய்திகள்

மல்வத்தை கோர விபத்து: தீவிர சிகிச்சை பெற்று வந்த மற்றைய இளைஞரும் உயி@ரிழப்பு!

அம்பாறை மாவட்டம், சம்மாந்துறை பொலிஸ் பிரிவிற்குட்பட்ட மல்வத்தைப் பகுதியில் கடந்த வெள்ளிக்கிழமை (20) மாலை இடம்பெற்ற மோட்டார் சைக்கிள் மற்றும் லொறி ஆகியன மோதிய கோர விபத்தில்…

131 0 0