உள்ளடக்கத்திற்குச் செல்க
நவம்பர் 2026
21 சனி
4210 பேர் இப்போது பார்க்கின்றனர்

உயிரியல் ரீதியான பெண்களுக்கு மட்டுமே அனுமதி – ஒலிம்பிக்கில் வருகிறது புதிய சட்டம்!

76 பார்வைகள்

ஒலிம்பிக் போட்டிகளில் பெண் வீராங்கனைகளுக்கான பிரிவில் பங்கேற்பதற்கு உயிரியல் ரீதியாகப் பெண் என்பதை உறுதிப்படுத்தும் மரபணு சோதனை (SRY gene test) இனி கட்டாயமாக்கப்படும் என அறிவிக்கப்பட்டுள்ளது. குறித்த அறிவிப்பைச் சர்வதேச ஒலிம்பிக் குழு (IOC) வெளியிட்டுள்ளது.

இந்தநிலையில் நேற்று (26-03-2026) வெளியாகியுள்ள இந்தத் தீர்மானத்தின்படி 2028 ஆம் ஆண்டு லொஸ் ஏஞ்சல்ஸ் (LA2028) ஒலிம்பிக் முதல் மூன்றாம் பாலினத்தவர்கள் பெண் பிரிவில் போட்டியிடுவது முற்று முழுதாகத் தடை செய்யப்பட்டுள்ளது.

ஆண்களுக்கான உடல் வளர்ச்சியைப் பெற்றவர்கள் பெண் பிரிவில் போட்டியிடுவது சமமான போட்டியாக இருக்காது மற்றும் அது பாதுகாப்பற்றது என சர்வதேச ஒலிம்பிக் குழுவின் தலைவர் “கிர்ஸ்டி கோவென்ட்ரி” விளக்கம் அளித்துள்ளார். பெரிஸ் 2024ஆம் ஆண்டு ஒலிம்பிக்கில் எழுந்த பாலின சர்ச்சைகளைத் தொடர்ந்து 18 மாத கால விரிவான ஆலோசனைகளுக்குப் பிறகு இந்த முடிவு எடுக்கப்பட்டுள்ளது.

எவ்வாறாயினும் மனித உரிமை மற்றும் LGBTQ+ அமைப்புகள் இதற்குத் கடும் எதிர்ப்பைத் தெரிவித்து வருகின்றன.
IOC இன் இந்த முடிவு, அமெரிக்க ஜனாதிபதி டொனால்ட் ட்ரம்ப்பின் பெண்கள் விளையாட்டில் ஆண்களுக்கு இடமில்லை என்ற கொள்கைக்குப் பெரும் வலுசேர்ப்பதாக அமைந்துள்ளது.

ஏற்கனவே 2025ஆம் ஆண்டு பெப்ரவரியில் அமெரிக்காவில் இதற்கான தடையை நடைமுறைப்படுத்திய ட்ரம்ப், LA 2028 ஆம் ஆண்டுஒலிம்பிக்கிலும் மூன்றாம் பாலினத்தவர்களை அனுமதிக்கப் போவதில்லை என்பதில் உறுதியாக உள்ளார்.

சர்வதேச அளவில் விளையாட்டுத்துறையில் பெரும் விவாதத்தைக் கிளப்பியுள்ள இந்த விதிமுறை, பெண் வீராங்கனைகளுக்கான பாதுகாப்பு மற்றும் சமத்துவத்தை உறுதி செய்யும் என எதிர்பார்க்கப்படுகின்றமை குறிப்பிடத்தக்கது.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

விளையாட்டுச் செய்திகள்

3ஆம் நாள் ஆட்டம் நிறைவு: இலங்கை அணி 82 ஓட்டங்களால் முன்னிலை!

பாகிஸ்தானின் ராவல்பிண்டியில் நடைபெற்று வரும் இரண்டாவது டெஸ்ட் கிரிக்கெட் போட்டியின் மூன்றாம் நாள் ஆட்டநேர முடிவில், இலங்கை அணி தனது இரண்டாவது இன்னிங்ஸில் 9 விக்கெட்டுகளை இழந்து…

122 0 0
விளையாட்டுச் செய்திகள்

கால்பந்து வரலாற்றில் சர்வதேச மைல்கல்லைப் பதித்த டி.எப். சூடீன்!

90 ஆண்டுகளுக்கும் மேலான பெருமைமிக்க வரலாற்றைக் கொண்ட நுவரெலியா கால்பந்து விளையாட்டுத் துறையில், இதுவரை எட்டப்படாத ஒரு சர்வதேச மைல்கல்லை நிலைநாட்டி, நுவரெலியா கால்பந்து சங்கத்தின் கீழ்…

126 0 0
விளையாட்டுச் செய்திகள்

பங்களாதேஷ் விக்கெட் கீப்பர் லிட்டன்தாஸ் உலக சாதனை!

தென் ஆப்பிரிக்கா – பங்காளதேஷ் அணிகள் மோதும் முதல் டெஸ்ட் கிரிக்கெட் போட்டி ஜோகன்னஸ்பர்க்கில் நடைபெற்று வருகிறது. பங்காளதேஷ் முதல் இன்னிங்சில் 400 ஓட்டங்களை குவித்தது. இதற்கு…

152 0 0
விளையாட்டுச் செய்திகள்

மெதுவான பந்துவீச்சு : இலங்கை, பாகிஸ்தான் அணிகளுக்கு அபராதம்

ராவல்பிண்டியில் நடைபெற்ற முதலாவது டெஸ்ட் போட்டியில் மெதுவாகப் பந்து வீசிய குற்றச்சாட்டில் இலங்கை மற்றும் பாகிஸ்தான் அணிகளுக்கு சர்வதேச கிரிக்கெட் பேரவை அபராதம் விதித்துள்ளது. இதற்கமைய, பாகிஸ்தான்…

91 0 0