உள்ளடக்கத்திற்குச் செல்க
நவம்பர் 2026
22 ஞாயிறு
4210 பேர் இப்போது பார்க்கின்றனர்

திறைசேரி நிரம்பி வழிந்தாலும் மக்கள் கையில் பணம் இல்லை : சஜித் விசனம்!

இலங்கை செய்திகள் 27 நிமிடங்கள் முன்
121 பார்வைகள்

“திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பாரிய பிரச்சினையாகக் காணப்படுகின்றது” என்று எதிர்க்கட்சித் தலைவர் சஜித் பிரேமதாஸ தெரிவித்தார்.

கொழும்பு பண்டாரநாயக்க ஞாபகார்த்த சர்வதேச மாநாட்டு மண்டபத்தில் நேற்று சனிக்கிழமை மாலை நடைபெற்ற ‘கொழும்பு மோட்டார் கண்காட்சி’நிகழ்வில் பங்கேற்றதன் பின்னர், ஊடகங்களுக்குக் கருத்துத் தெரிவிக்கும்போதே எதிர்க்கட்சித் தலைவர் இவ்வாறு குறிப்பிட்டார்.

இதன்போது அவர் மேலும் தெரிவிக்கையில்,

“இளைய தலைமுறையை இனியும் யாராலும் ஏமாற்ற முடியாது. 2019 மற்றும் 2024 ஆகிய இரு ஆண்டுகளிலும் இந்த இளைஞர்கள் ஏமாற்றப்பட்டனர். இளைஞர்களுக்கு வெறுமனே வாக்குறுதிப் பத்திரங்களை வழங்குவதை விடுத்து, சுயமுயற்சியால் தொழில்முயற்சிகளைத் தொடங்குவதற்கான வாய்ப்புகளைப் பெற்றுக்கொடுக்க வேண்டும். இதற்காக மூலதனத்தைப் பெறும் வழியை ஏற்படுத்திக் கொடுக்க வேண்டும்.

வரவு – செலவுத் திட்டத்தை முன்வைத்துப் பல்வேறு புள்ளிவிவரங்களைக் காட்டும் அரசு, இத்தகைய வாகனக் கண்காட்சிகளைப் பார்வையிட வேண்டும். கடந்த ஆண்டுடன் ஒப்பிடுகையில் இத்தகைய கண்காட்சிகளில் மக்களின் பங்கேற்பு குறைந்த மட்டத்தில் காணப்படுகின்றது. திறைசேரி நிரம்பினாலும் மக்கள் கையில் பணம் நிரம்பவில்லை. மக்களிடம் பணப்புழக்கம் இல்லாமை பெரிய பிரச்சினையாகக் காணப்படுகின்றது. மக்கள் கையில் பணம் இல்லாமை வணிகச் சுழற்சி முடங்கும் நிலையாகும். ஆகவே, பொருளாதாரம் முன்னேற வேண்டுமெனில் மக்கள் கையில் பணம் புழங்க வேண்டும். தற்சமயம் மக்களிடம் பணம் இல்லை என்பது தெளிவாகத் தெரிகின்றது.

சொந்தமாக ஒரு வாகனத்தை வைத்திருப்பதே நாட்டில் பலரின் கனவாகக் காணப்படுகின்றது. ‘கொழும்பு மோட்டார் கண்காட்சி’ போன்ற கண்காட்சிகள் நடத்தப்படுவது முக்கியமான விடயமாக அமைந்துள்ளது. இதற்கு அப்பால் சென்று வாகன உற்பத்தித் தொழிலை நமது நாட்டுக் கொண்டுவர வேண்டும்.

இதற்குத் தேவையான முதலீட்டுக்கு உகந்த சூழல் நாட்டில் உருவாக்கப்பட வேண்டும். இதன் மூலம் வாகன விற்பனை மாத்திரமன்றி, வாகன உற்பத்தியையும் மேற்கொள்ள முடியும். வாகன உற்பத்தித் துறையில் ஒரு நாடாகப் பெரும் ஆர்வத்தைக் கவர முடியும்.” – என்றார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துகொள்ள WHATSAPP CHANNEL இணையுங்கள்
மேலும் செய்திகளைப் படிக்க இங்கே அழுத்தவும்

விளம்பரம்

தொடர்புடைய செய்திகள் NEW

இலங்கை செய்திகள்

தொல். திருமாவளவனுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் வழங்கி வைப்பு!

விடுதலைச் சிறுத்தைகள் கட்சியின் தலைவரும் இந்திய நாடாளுமன்ற உறுப்பினருமான தொல். திருமாவளவன் அவர்களுக்கு யாழ்ப்பாணப் பல்கலைக்கழக மாணவர் பிரதிநிதிகளால் நூல்கள் அடங்கிய தொகுதி ஒன்று வழங்கி வைக்கப்பட்டது.…

1 0 0
இலங்கை செய்திகள்

இந்தியா – இலங்கை நட்புறவு மற்றும் பரஸ்பர புரிந்துணர்வை வலுப்படுத்தும் நோக்கில் ‘மைத்திரி சேது யாத்திரை 2027’

இந்தியா மற்றும் இலங்கைக்கு இடையிலான நீண்டகால நட்புறவு, பரஸ்பர புரிந்துணர்வு மற்றும் ஒத்துழைப்பை இளைய தலைமுறையினூடாக மேலும் வலுப்படுத்தும் நோக்கில் முன்னெடுக்கப்பட்ட இந்தியா – இலங்கை தேசிய…

132 0 0
இலங்கை செய்திகள்

ஜனாசா எரிப்பு விவகாரத்தில் ஏற்பட்ட அரசியல் அதிருப்தியே தனித்த கட்சி உருவாகக் காரணம் – காதர் மஸ்தான்

ஜனாசா எரிப்பு விவகாரத்தில் ஏற்பட்ட அரசியல் அதிருப்தி உள்ளிட்ட பல்வேறு காரணங்களே தனித்த அரசியல் கட்சியை உருவாக்க வேண்டிய சூழலை ஏற்படுத்தியதாக முன்னாள் இராஜாங்க அமைச்சர் காதர்…

134 0 0
இலங்கை செய்திகள்

ஹட்டன் நகரில் தொடர் கொள்ளை!

இன்று காலை (22) ஹட்டன் நகரில் உள்ள பின் சாலையில் அமைந்துள்ள 4 கடைகளில் திருடன் புகுந்துள்ளதாக ஹட்டன் காவல்துறை தெரிவித்துள்ளது. தங்கப் பொருட்கள் தயாரிக்கும் 3…

126 0 0