பாரவூர்தி 80 அடி பள்ளத்தில் கவிழ்ந்து விபத்து : மூவர் வைத்தியசாலையில் அனுமதி
.பாரவூர்தி 80 அடி பள்ளத்தில் கவிழ்ந்து விபத்துக்குள்ளானதில் மூன்று பேர் வைத்தியசாலையில் அனுமதிக்கப்பட்டுள்ளனர்.
இச் சம்பவம் நேற்று மாலை 6.00 மணிக்கு நல்லதண்ணி பொலிஸ் பிரிவுக்குட்பட்ட மரே தோட்ட புதுகாடு பிரிவில் இடம் பெற்று உள்ளது.
தனியார் ஒருவருக்கு உரித்தான பாரவூர்தி ஒன்று அதன் உரிமையாளரினால் செலுத்தி சென்று மரே தோட்ட புதுகாடு பிரிவில் தேயிலை கொழுந்து ஏற்றிக் கொண்டு திரும்பி தேயிலை தொழிற்சாலைக்கு கொண்டு செல்லும் போது புதுகாடு பிரிவில் வைத்து வீதியை விட்டு விலகி 80 அடி பள்ளத்தில் கவிந்ததால் அதில் பணியாற்றிய தர்ம்மவர்தன வயது 73 மகேஸ்வரன் வயது 55 மலர் செல்வம் வயது 45 ஆகிய மூன்று பேரும் படுகாயமடைந்த நிலையில் மஸ்கெலியா மாவட்ட வைத்திய சாலையில் அனுமதிக்க பட்டு மேலதிக சிகிச்சைக்காக டிக்கோயா கிளங்கன் ஆதார வைத்திய சாலைக்கு கொண்டு செல்ல பட்டு உள்ளனர்.
இவ் விபத்தில் உயிர் இழப்புகள் இல்லை எனவும் எழும்பு முறிவுகள் ஏற்பட்டு இருக்கலாம் என மஸ்கெலியா பிரதேச வைத்தியசாலையின் வைத்திய அதிகாரி ஒருவர் தெரிவித்தார்.
இந்த விபத்து பற்றிய விரிவான விசாரணைகளை நல்லதண்ணி பொலிஸ் நிலைய பொறுப்பதிகாரி மேற் கொண்டு வருகின்றார்.


