வெலிகந்த பொலிஸ் பிரிவிற்குட்பட்ட சேனபுர பிரதேசத்தில் மூன்று மாடுகளை திருடிய குற்றத்திற்காக தேடப்பட்டு வந்த சந்தேக நபர் ஒருவர் துப்பாக்கிகளுடன் நேற்று வெள்ளிக்கிழமை (04) கைது செய்யப்பட்டுள்ளதாக வெலிகந்த பொலிஸார் தெரிவித்தனர்.
கைது செய்யப்பட்ட சந்தேக நபர் வெலிகந்த சேனபுர பிரதேசத்தை சேர்ந்த 21 வயதுடையவர் ஆவார்.
வெலிகந்த பொலிஸாருக்கு கிடைத்த இரகசிய தகவலின் பேரில் மேற்கொள்ளப்பட்ட சுற்றிவளைப்பின் போதே குறித்த சந்தேக நபர் கைது செய்யப்பட்டுள்ளார். சந்தேக நபரின் வீட்டில் மேற்கொள்ளப்பட்ட சோதனையில் வெளிநாட்டில் தயாரிக்கப்பட்ட துப்பாக்கி 1, உள்நாட்டில் தயாரிக்கப்பட்ட துப்பாக்கி 1 மற்றும் 01 கிராம் கஞ்சா போதைப்பொருள் என்பன கைப்பற்றப்பட்டுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை வெலிகந்த பொலிஸார் மேற்கொண்டு வருகின்றனர்.
