மாநகரம்’ திரைப்படத்தின் மூலம் தமிழ் திரையுலகில் பிரபலமானவர் லோகேஷ் கனகராஜ்.
அவர் கைதி, மாஸ்டர், விக்ரம், லியோ ஆகிய திரைப்படங்களை இயக்கியுள்ளார்.
இதில் விஜய் நடித்த ‘லியோ’ திரைப்படம் உலகம் முழுவதும் ரூ.600 கோடிக்கு மேல் வசூலானது.
அத்துடன் லோகேஷ் கனகராஜ் இயக்கத்தில் ரஜினிகாந்த்தின் 171ஆவது திரைப்படமாகக் கூலி திரைப்படம் தயாராகி வருகிறது.இத்திரைப்படத்தின் படப்பிடிப்பு முடிந்து இறுதிக்கட்ட பணிகள் நடைபெற்று வருகிறது.
இதன்படி கூலி திரைப்படம் எதிர்வரும் ஓகஸ்ட் மாதம் திரைக்கு வரவுள்ளது.
இந்தநிலையில் கூலி திரைப்படத்தை முடித்த பின் அடுத்ததாகக் கைதி 2 திரைப்படத்தின் படப்பிடிப்பு ஆரம்பிக்கப்படவுள்ளதாகத் தகவல் வெளியாகியுள்ளது.
இதற்கமைய லோகேஷ் கனகராஜின் பிறந்த தினத்தை முன்னிட்டு, அவரை சந்தித்துள்ள நடிகர் கார்த்தி, லோகேஷ் உடன் எடுத்துக்கொண்ட புகைப்படத்தை வெளியிட்டு ‘டில்லி ரிட்டன்ஸ்’ என பதிவிட்டுள்ளார்.இதனால் ரசிகர்கள் உற்சாகமடைந்துள்ளனர்.
