ஹிக்கடுவை பொலிஸ் பிரிவுக்கு உட்பட்ட காலி – கொழும்பு வீதியில் தொடங்துவ பிரதேசத்தில் நேற்று செவ்வாய்க்கிழமை (12) இடம்பெற்ற விபத்தில் வயோதிபர் ஒருவர் உயிரிழந்துள்ளதாக ஹிக்கடுவை பொலிஸார் தெரிவித்தனர்.
சம்பவம் தொடர்பில் தெரியவருகையில்,
ஹிக்கடுவையிலிருந்து காலி நோக்கிப் பயணித்த லொறி ஒன்று சைக்கிள் ஒன்றுடன் மோதியதில் இந்த விபத்து இடம்பெற்றுள்ளது. விபத்தின் போது சைக்கிளின் செலுத்துனர் படுகாயமடைந்துள்ள நிலையில் கராப்பிட்டிய வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.
உயிரிழந்தவர் பெரதுடுவ பிரதேசத்தைச் சேர்ந்த 71 வயதுடைய வயோதிபர் ஆவார்.
இது தொடர்பான மேலதிக விசாரணைகளை ஹிக்கடுவை பொலிஸார் மேற்கொண்டு வருகின்றனர்.
