இம்சையான முறையில் 29 ஆடுகளை பார ஊர்தியில் [WP/LO.5288] ஏற்றிச் சென்ற சந்தேக நபர்கள் இருவரை ரக்காடு அதிரடி படையினர் மற்றும் மஸ்கெலியா பொலிஸ் நிலைய அதிகாரிகள் இணைந்து கடந்த 3ம் திகதி கைது செய்தனர்.
சாமிமலைப் பகுதியில் இருந்து கொழும்பு பாமன்கடைப் பகுதியில் உள்ள ஆட்டிறைச்சிக் கடைக்கு இறைச்சிக்காக 29 ஆடுகளை பார ஊர்தி மூலம் இம்சைபடுத்தும் வகையில் கொண்டு செல்வதாக கிடைக்க பெற்ற இரகசிய தகவல்களை தொடர்ந்து சாமிமலை பகுதியில் வைத்து 29 ஆடுகளுடன் பார ஊர்தி உட்பட இரண்டு சந்தேக நபர்கள் கைது செய்யப்பட்டு 4 ம் திகதி ஹட்டன் நீதிமன்றத்தில் ஆஜர்ப்படுத்தப்பட்டனர்.
இவ்வாறு ஆஜர்ப்படுத்தபட்ட பார ஊர்தி மற்றும் ஆடுகளுக்கு 80 லட்சம் ரூபாய் பிணை வழங்க பரிந்துரை செய்யப்பட்டு எதிர்வரும் 9 ம் திகதி மீண்டும் நீதிமன்றத்தில் பார ஊர்தி மற்றும் ஆடுகள் ஆஜர்ப்படுத்தப்பட வேண்டும் என பதில் நீதிவான் உத்தரவிட்டார்.
29 ஆடுகளின் பெறுமதி 12 லட்சம் ரூபாய் என பொலிஸார் தெரிவித்தனர்.
