நுவரெலியா நகரில் உள்ள தனியார் விடுதியொன்றில் தங்கியிருந்த பெண் ஒருவர் கண்டி தெல்தெனிய வைத்தியசாலைக்கு அருகில் காணப்பட்ட காரிலிருந்து சடலமாக நேற்று புதன்கிழமை (17) மாலை கண்டுபிடிக்கப்பட்டுள்ளதாக பொலிஸார் தெரிவித்தனர்.
அண்மையில் தனது காதலனுடன் நுவரெலியாவுக்குச் சென்று, தனியார் விடுதி ஒன்றில் குறித்த பெண் தங்கியிருந்தநிலையில், நேற்று முன்தினம் செவ்வாய்க்கிழமை (16) இரவு 10.30 மணியளவில் அவ்விடுதியில் அப்பெண் தங்கியிருந்த அறையில் இருந்து, அவர் தூக்கிக் கொண்டுசெல்லப்பட்டு, காரொன்றில் ஏற்றிச் செல்லப்பட்டமை விடுதியில் பொருத்தப்பட்டிருந்த சிசிரிவி கமராவில் பதிவாகியுள்ளது.
அந்த காட்சிகளை அடிப்படையாகக் கொண்டு பெண்ணின் மூத்த சகோதரன் நுவரெலியா பொலிஸ் நிலையத்தில் முறைப்பாடு அளித்திருந்தார்.
அதனைத் தொடர்ந்து, நுவரெலியா பொலிஸார் நடத்திய விசாரணையில், வெலிகம பகுதியைச் சேர்ந்த 33 வயதுடைய வைத்தியரான பெண்ணும் கன்னொருவ பகுதியை சேர்ந்த அவரது 35 வயதுடைய காதலனும் நுவரெலியாவிற்கு கடந்த 3ஆம் திகதி சென்று குறித்த தனியார் விடுதியில் தங்கியிருந்துள்ளமை தெரியவந்துள்ளது.
அதன் பின்னர் அவர்களுக்கிடையில் வாக்குவாதம் ஏற்பட்டிருக்கலாம் என்றும் பின்னர், அந்த காதலன், பெண்ணை கொலை செய்துவிட்டு, அவரை தூக்கிக்கொண்டு தனியார் விடுதியிலிருந்து வெளியேறி, காரில் ஏற்றிச் சென்று கண்டி – தெல்தெனிய பகுதியில் சடலத்தை விட்டுச் சென்றிருக்கலாம் என்றும் பொலிஸார் சந்தேகிக்கின்றனர்.
எனினும் குறித்த பெண்ணுடன் நுவரெலியாவில் உள்ள தனியார் விடுதிக்கு வருகைதந்த சந்தேக நபரை இதுவரை கைது செய்யவில்லை எனவும் விசாரணைகளை தொடர்ந்து நடத்திவரும் நுவரெலியா பொலிஸார் தெரிவித்தனர்.
மேலும், நுவரெலியா தடயவியல் பொலிஸாரின் உதவியுடன் குறித்த இருவரும் தங்கியிருந்த தனியார் விடுதியில், சம்பவ இடத்தில் உள்ள தடயங்கள், சிசிரிவி காட்சிகள் மற்றும் சாட்சியங்களின் அடிப்படையில் விடுதி ஊழியர்களின் வாக்குமூலங்கள் பெறப்பட்டு, தொலைபேசி அழைப்புத் தரவுகள் சேகரிக்கப்பட்டு, விசாரணைகள் தீவிரப்படுத்தப்பட்டுள்ளன.
Related Posts
யாழ். பல்கலைக்கழக விவசாயபீடத்தின் உலர்வலய விவசாயம் பற்றிய ஆராய்ச்சி மாநாடு தொடர்பான தெளிவூட்டல்.!
யாழ்ப்பாண பல்கலைக்கழக விவசாயபீடத்தின் பன்னிரெண்டாவது உலர்வலய விவசாயம் பற்றிய சர்வதேச ஆராய்ச்சி மாநாடு தொடர்பாக தெளிவூட்டும் ஊடக சந்திப்பு விவசாயபீட பீடாதிபதி பேராசிரியர் கந்தையா பகீரதன் தலைமையில்...
சுகீஸ்வர பண்டார கைது.!
முன்னாள் ஜனாதிபதி கோட்டாபாய ராஜபக்ஷவின் முன்னாள் செயலாளர் சுகீஸ்வர பண்டார மத்திய குற்றப் புலனாய்வுப் பணியகத்தினால் இன்று கைது செய்யப்பட்டுள்ளார். அரச நிறுவனங்கள் இரண்டில் ஒரே நேரத்தில்...
ஹட்டன் அரச பேருந்து டிப்போ நவீனமயமாக்கல்.!
667 மில்லியன் ரூபா செலவில் காபட் இடப்பட்டு புனரமைக்கப்பட்டுள்ள ஹட்டன் பேருந்து டிப்போவை நேற்று (17) ஆம் திகதி மாலை நேரில் பார்வையிட்ட நுவரெலியா மாவட்ட அபிவிருத்திக்...
மட்டக்களப்பில் வெடித்த போராட்டம்.!
உயிர்த்த ஞாயிறு தாக்குதல் விசாரணை சுதந்திரமாக முன்னெடுக்கப்பட வேண்டும்” என்பதை வலியுறுத்தியும் குற்றவாளிகளுக்கு சட்டத்தினால் சரியான தீர்ப்புகள் வழங்கப்படுவதை உறுதிப்படுத்தக்கோரியும் ஈஸ்டர் தாக்குதல் தொடர்பான விசாரணைகளை திசைதிருப்ப...
அரச காணிகளை பயன்படுத்த புதிய கொள்கை வருகின்றது.!
அரச காணிக் கட்டளைச் சட்டம் மற்றும் காணி அபிவிருத்திக் கட்டளைச் சட்டம் என்பவற்றுக்கு அமைவாக இரத்து செய்ய வேண்டிய சுற்றறிக்கைகளை இரத்துச் செய்து புதிய சுற்றறிக்கைகளை வெளியிடவும்...
விபத்தில் சிக்கி ஆசிரியை உயிரிழப்பு.!
யாழ்ப்பாணம் - கண்டி பிரதான வீதியின் பூனாவை, கும்புகொல்லேவ பகுதியில் இன்று (18) காலை பேருந்துடன் மோதி விபத்துக்குள்ளானதில் ஆசிரியை ஒருவர் உயிரிழந்துள்ளதாக மதவாச்சி, பூனாவை பொலிஸார்...
தங்கம் கடத்த முயன்ற பயணிகள் மருத்துவ பரிசோதனையில் சிக்கினர்.!
காங்கேசன்துறை ஊடாக நாகைப்பட்டினம் செல்லத் தயாரான சமயம் சுங்க அதிகாரிகளால் தடுத்து நிறுத்தப்பட்ட 26 பயணிகளில் 17 பேருக்கு நேற்றிரவு மேற்கொள்ளப்பட்ட ஸ்கானிங் பரிசோதனையில் நால்வர் உடம்புக்குள்...
தமிழ் மக்கள் மீதான திட்டமிட்ட இனப் படுகொ*லையின் அசைக்க முடியாத சாட்சி செம்மணி.!
இலங்கையில் தமிழ் மக்கள் மீது நிகழ்த்தப்பட்ட திட்டமிட்ட இனப்படுகொலையின் அசைக்க முடியாத சாட்சியாகவும், இந்த நாட்டுக்கு ஏற்பட்டுள்ள பெரும் அவமானத்தின் அடையாளமாகவும் செம்மணி மனிதப் புதைகுழி உருவெடுத்துள்ளது...
வீடுகளில் கைவரிசை காட்டிய நபர் கைது.!
மொரட்டுமுல்ல மற்றும் பிலியந்தலை உள்ளிட்ட பகுதிகளில் வீடுகளினுள் நுழைந்து திருட்டுச் சம்பவங்களில் ஈடுபட்ட சந்தேகநபர் ஒருவர் மேல்மாகாண தெற்கு மாவட்ட குற்றத்தடுப்பு பிரிவினரால் கைது செய்யப்பட்டுள்ளார். கல்கிஸ்ஸ...
அடையாளம் தெரியாத ஆண் ஒருவரின் சடலம் மீட்பு.!
கொழும்பு, கிராண்ட்பாஸ் சேதவத்தை களனி பாலத்துக்கு அருகில் அடையாளம் தெரியாத ஆண் ஒருவரின் சடலம் நேற்று (17) புதன்கிழமை மீட்கப்பட்டுள்ளதாக பொலிஸார் தெரிவித்தனர். கிராண்ட்பாஸ் பொலிஸ் பிரிவிற்குட்பட்ட...