காவல்துறையினரின் உத்தரவை மீறி பயணித்த கார் மீது துப்பாக்கிப் பிரயோகம்.!

கிரேன்பாஸில் 23ஆம் திகதி மாலை காவல்துறையினரின் உத்தரவைப் பின்பற்றாமல் ஓட்டிச் சென்ற கார் மீது காவல்துறையினர் துப்பாக்கிப் பிரயோகம் நடத்தியுள்ளனர்.

குறித்த காரை கிராண்ட்பாஸ் காவல் பிரிவினர் ஆய்வுக்காக நிறுத்த உத்தரவிட்டதாகவும், ஆனால் குறித்த கார் தொடர்ந்து சென்றதால் பின்தொடர்ந்து துப்பாக்கிப் பிரயோகம் நடத்தப்பட்டதாகவும் தெரிவிக்கப்பட்டுள்ளது.

கொழும்பு வடக்கு குற்றப் புலனாய்வுப் பிரிவின் மோட்டார் சைக்கிள் குழு, சம்பந்தப்பட்ட காரை துரத்திச் சென்று துப்பாக்கிப் பிரயோகம் நடத்தியுள்ளது. துப்பாக்கிப் பிரயோகத்தில், காரில் இருந்த ஒருவருக்கு லேசான காயம் ஏற்பட்டதாகவும் தெரிவிக்கப்பட்டுள்ளது.

மேலும், சம்பந்தப்பட்ட காரில் சட்டவிரோத மதுபானம் கண்டுபிடிக்கப்பட்டதாகவும் கூறப்படுகிறது.