குருணாகல், கல்கமுவ, லியனாகம பிரதேசத்தில் உள்நாட்டுத் துப்பாக்கியுடன் இளைஞன் ஒருவன் நேற்று வியாழக்கிழமை (09) மாலை கைது செய்யப்பட்டுள்ளதாக கல்கமுவ பொலிஸார் தெரிவித்தனர்.
கைது செய்யப்பட்ட சந்தேக நபர் குருணாகல், கல்கமுவ பிரதேசத்தில் வசிக்கும் 24 வயதுடைய இளைஞன் ஆவார்.
கல்கமுவ பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.
இது தொடர்பான மேலதிக விசாரணைகளை கல்கமுவ பொலிஸார் மேற்கொண்டு வருகின்றனர்.
