மேல் கொத்மலை நீர்த்தேக்கத்தில் மீண்டும் ஒரு அவலம்.!

மேல் கொத்மலை நீர்த்தேக்கத்தில் இன்று மாலை 4.00 மணியளவில் 4 வயது குழந்தையுடன் தாய் ஒருவர் குதித்துள்ளார்.

இதன் போது தாய் உயிருடன் மீட்கப்பட்டுள்ளார், குழந்தையின் சடலத்தை தேடும் பணி தொடர்கின்றது.

அக்கரபத்தனை எல்பியன் தோட்டத்தை பிறப்பிடமாக கொண்ட குறித்த பெண் தலவாக்கலை தெவிசிரிபுற பிரதேசத்தில் வாழ்ந்து வந்துள்ளார். கணவனை விட்டு பிரிந்து இன்னொருவருடன் வாழ்ந்து வந்த இவர், தனது கணவனுடன் ஏற்பட்ட முரண்பாட்டினால் குறித்த பெண் தனது குழந்தையுடன் நீர்த்தேக்கத்தில் குதித்ததாக தெரிவிக்கப்பட்டுள்ளது.

சம்பவம் தொடர்பான விசாரணைகளை தலவாக்கலை பொலிஸார் முன்னெடுத்து வருகின்றனர்.

மீட்கப்பட்ட தாய் லிந்துலை பிரதேச வைத்தியசாலைக்கு கொண்டு செல்லப்பட்டுள்ளார்.

நீர்த்தேக்கத்தில் தத்தளித்துக் கொண்டிருந்த தாயை பிரதேச மக்கள் மீட்டு பொலிஸாரிடம் ஒப்படைத்தனர்.

குழந்தையின் சடலத்தை மீட்கும் பணியில் தலவாக்கலை பொலிஸாருடன் பொது மக்களும் ஈடுபட்டுள்ளனர்.