களுத்துறை, அங்குருவாதொட்ட பொலிஸ் பிரிவுக்கு உட்பட்ட பெத்திகமுவ பிரதேசத்தில் பொல்லால் தாக்கப்பட்டு முதியவர் ஒருவர் கொலை செய்யப்பட்டுள்ளதாக அங்குருவாதொட்ட பொலிஸார் தெரிவித்தனர்.
பெத்திகமுவ ,ஹல்தொட்ட பிரதேசத்தைச் சேர்ந்த 81 வயதுடைய முதியவரே கொலை செய்யப்பட்டுள்ளார்.
இது தொடர்பில் தெரியவருவதாவது,
கொலை செய்யப்பட்ட முதியவரின் வீட்டிற்குச் சென்ற சந்தேக நபர்கள் சிலர் முதியவரின் பேரனை பொல்லால் தாக்க முயன்றுள்ளனர். இதன்போது, கொலை செய்யப்பட்ட முதியவர் தனது பேரனை காப்பற்றுவதற்கு முயன்ற போது சந்தேக நபர்கள் முதியவரை பொல்லால் தாக்கி காயப்படுத்தியுள்ளனர். இதனையடுத்து, காயமடைந்த முதியவர் ஹொரணை வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.
இந்த சம்பவம் தொடர்பில் 34 மற்றும் 44 வயதுடைய இரண்டு சந்தேக நபர்கள் கைது செய்யப்பட்டுள்ளதாக பொலிஸார் மேலும் தெரிவித்தனர்.
இது தொடர்பான மேலதிக விசாரணைகளை அங்குருவாதொட்ட பொலிஸார் மேற்கொண்டு வருகின்றனர்.
