வட அமெரிக்க நாடான மெக்சிகோவின் நயாரிட் மாகாணத்தில் இருந்து சிகுவாகுவா மாகாணத்துக்கு பஸ் ஒன்று சுற்றுலா சென்றது. அந்த பஸ்சில் 30க்கும் அதிகமானோர் பயணித்தனர். ஜகாடெகாஸ் மாகாணத்தில் உள்ள பாலத்தில் சென்றபோது அந்த பஸ் திடீரென கட்டுப்பாட்டை இழந்தது. இதனால் எதிரே வந்த லொறியின் மீது பஸ் மோதி விபத்துக்குள்ளானதில் 24 பேர் உயிரிழந்ததுடன் மேலும் 6 பேர் காயமடைந்துள்ளனர்.
தகவலறிந்து விரைந்து வந்த பொலிஸார் படுகாயம் அடைந்தவர்களை மீட்டு அருகில் உள்ள மருத்துவனையில் சிகிச்சைக்காக சேர்த்தனர்.
இந்த விபத்து குறித்து பொலிஸார் விசாரணைகளை நடாத்தி வருகின்றனர்.
சுற்றுலா சென்ற பஸ் விபத்தில் சிக்கி 24 பேர் பலியானது அப்பகுதியில் சோகத்தை ஏற்படுத்தியுள்ளது.
