பொகவந்தலாவ பகுதியில் உள்ள கெசல்கமு ஓயாவில் இன்று மதியம் சடலம் ஒன்று மிதப்பதைக் கண்ட அப் பகுதியில் உள்ள மக்கள் பொகவந்தலாவ பொலிஸ் நிலைய பொறுப்பதிகாரிக்கு அறிவித்தனர்.
அதனைத் தொடர்ந்து, சம்பவ இடத்துக்கு சென்ற பொகவந்தலாவ பொலிஸார் ஆண் ஒருவரின் சடலத்தை மீட்டுள்ளனர்.
இவ்வாறு மீட்கப்பட்ட நபர் 27 வயது மதிக்கத்தக்கவர் ஆவார். உயிரிழந்த இளைஞன் காதில் கடுக்கன் போட்டு உள்ளார்.
பொலிஸார் உயிரிழந்த இளைஞனை அடையாளம் காண பொதுமக்களின் உதவியை நாடியுள்ளனர்.
இது குறித்து மேலதிக விசாரணைகளை பொகவந்தலாவ பொலிஸார் மேற்கொண்டு வருகின்றனர்.
