வெலிக்கடை பொலிஸ் பிரிவின் நாவல பகுதியில் உள்ள ஒரு வீட்டிற்குள் இரவு நுழைந்தபோது வெலிக்கடை பொலிஸாரால் கைது செய்யப்பட்டு மருத்துவமனையில் அனுமதிக்கப்பட்ட நிலையில் பதுளையைச் சேர்ந்த சத்சர நிமேஷ் எனும் இளைஞன் உயிரிழந்தார். குறித்த இளைஞனின் மரணம் தொடர்பில், நியாயமான, பாரபட்சமற்ற விசாரணையை நடத்துவதற்காக வெலிக்கடை பொலிஸ் நிலைய பொறுப்பதிகாரி பதவிநீக்கம் செய்யப்பட்டுள்ளார்.
அத்துடன் கடமைகளை புறக்கணித்தமைக்காக பொலிஸ் சார்ஜன்ட் ஒருவரும் கான்ஸ்டபிள் ஒருவரும் பணிநீக்கம் செய்யப்பட்டுள்ளனர்.
வெலிக்கடை பொலிஸ் பிரிவின் நாவல பகுதியில் உள்ள ஒரு வீட்டிற்குள் (01.04.2025) அன்று இரவு நுழைந்தபோது வெலிக்கடை பொலிஸாரால் கைது செய்யப்பட்டு மருத்துவமனையில் அனுமதிக்கப்பட்ட நிலையில் பதுளையைச் சேர்ந்த சத்சர நிமேஷ் எனும் இளைஞன் உயிரிழந்தார்.
இது குறித்து பொலிஸ் ஊடகப்பிரிவு வெளியிட்டிருந்த அறிக்கையில், உயிரிழந்த சந்தேகநபர், மனநலக் கோளாறால் பாதிக்கப்பட்டிருப்பதைக் குறிக்கும் விதத்தில் நடந்து கொண்டதாகவும், பொலிஸ் நிலையத்தில் வைத்து பதற்றத்தை ஏற்படுத்தும் வகையில் அவர் நடந்துக் கொண்டுள்ளதுடன், அதிகாரிகளால் அவரை கட்டுப்படுத்த முடியாத நிலையில் அறைச் சுவரில் பல தடவை உடலை மோதிக் தன்னை தானே வருத்திக் கொண்டதாகவும் குறிப்பிடப்பட்டுள்ளது.
மேலும் நிலைமையை கட்டுக்குள் கொண்டுவர அதிகாரிகள் சந்தேகநபரான இளைஞனை அங்கொடை மனநல மருத்துவமனையில் அனுமதித்துள்ளனர். எவ்வாறெனினும் வைத்தியசாலையில் சிகிச்சை பெற்றுவந்த நிலையில் சந்தேகநபர் மறுநாள் புதன்கிழமை அதிகாலை உயிரிழந்தமை குறிப்பிடத்தக்கது.
இந்நிலையில் மேற்படி சம்பவம் தொடர்பில் குற்றப்புலனாய்வு பிரிவு விசாரணைகளை முன்னெடுத்துள்ளதுடன், நியாயமான, பாரபட்சமற்ற விசாரணையை நடத்துவதற்காக வெலிக்கடை பொலிஸ் நிலைய பொறுப்பதிகாரி பதவிநீக்கம் செய்யப்பட்டுள்ளார்.
விசாரணையை முன்னெடுப்பதற்காக வெலிக்கடை பொலிஸ் நிலையப் பொறுப்பதிகாரியை அப்பதவியில் இருந்து நீக்குவதற்கான பரிந்துரைகள் தேசிய பொலிஸ் ஆணைக்குழுவிடம் சமர்ப்பிப்பதற்காக நேற்று பதில் பொலிஸ் மா அதிபரால், பொதுமக்கள் பாதுகாப்பு மற்றும் நாடாளுமன்ற விவகார அமைச்சுக்கு அனுப்பி வைக்கப்பட்டது.
அத்தோடு இச்சம்பவத்தில் கடமைகளை புறக்கணித்துள்ளதாக விசாரணைகளின் போது கண்டறியப்பட்ட ஒரு பொலிஸ் சார்ஜன்ட் மற்றும் கான்ஸ்டபிள் ஒருவரையும் பணிநீக்கம் செய்யவும் நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.
மேலும் மேற்படி சம்பவம் குறித்து குற்றப்புலனாய்வு பிரிவு மேலதிக விசாரணைகளை மேற்கொண்டு வருகிறது.
Related Posts
மஹிந்த, ரணிலை உங்களால் முடிந்தால் கைது செய்யுங்கள் – அநுர அரசுக்கு சாமர சம்பத் சவால்.!
முன்னாள் ஜனாதிபதிகளான மஹிந்த ராஜபக்ஷ மற்றும் ரணில் விக்கிரமசிங்க ஆகியோரை முடியுமானால் கைது செய்து பாருங்கள் என்று புதிய ஜனநாயக முன்னணியின் நாடாளுமன்ற உறுப்பினர் சாமர சம்பத்...
பட்டலந்த வதை முகாம் விவகாரம்: சட்டத்தின் பிரகாரம் ரணிலுக்கு எதிராக உரிய நடவடிக்கை.!
"ஜே. ஆர். ஜயவர்த்தன அதிகாரத்தை முறையற்ற வகையில் பயன்படுத்தியதைப் போன்றுதான் அவரது மருமகனான ரணில் விக்கிரமசிங்கவும் அதிகாரத்தை முறைகேடாகப் பயன்படுத்தினார். அதன் பெறுபேறுதான் பட்டலந்த சித்திரவதை முகாமாகும்....
சகல குற்றவாளிகளும் தண்டிக்கப்படுவார்களா?
"பட்டலந்த சித்திரவதை முகாம் தொடர்பான ஆணைக்குழு அறிக்கை சமர்ப்பிக்கப்பட்ட காலகட்டத்திலேயே அதற்குப் பொறுப்பானவர்களுக்கு எதிராகச் சட்ட நடவடிக்கை எடுக்கப்பட்டிருந்தால் இறுதிக்கட்ட யுத்தத்தின் போது நடந்த பல குற்றச்...
வடக்கில் காடுகளைப் பாதுகாக்கின்றோம் என்ற பெயரில் மக்களின் காணிகளை அபகரிப்பதை எதிர்க்கின்றோம்.!
"காடுகளை அழிப்பது எங்கள் நோக்கமல்ல. காடுகளைப் பாதுகாக்கின்றோம் என்ற பெயரில் மக்களின் காணிகளை அபகரிப்பது மற்றும் அபிவிருத்திக்குத் தடையாக இருப்பதையே எதிர்க்கின்றோம்." - இவ்வாறு வடக்கு மாகாண...
மாவிட்டபுரம் கந்தசுவாமி ஆலய சூழலில் பாதுகாப்புக் கெடுபிடிகள்.!
யாழ்ப்பாணம், மாவிட்டபுரம் கந்தசுவாமி ஆலய சூழலில் பாதுகாப்பு கெடுபிடிகள் காரணமாக ஆலயத்திற்கு சென்ற பக்தர்கள் இன்னல்களை எதிர்நோக்கியுள்ளனர். சுமார் 50 வருட காலத்தின் பின்னர் மாவிட்டபுரம் கந்தசுவாமி...
ஈஸ்டர் தாக்குதல்களில் பிள்ளையானுக்குத் தொடர்பு.!
2019 ஈஸ்டர் ஞாயிறு தாக்குதல்களுடன் பிள்ளையான் எனப்படும் சிவநேசதுரை சந்திரகாந்தனை தொடர்புபடுத்தும் தகவல்கள் கண்டுபிடிக்கப்பட்டுள்ளதாக பொது பாதுகாப்பு அமைச்சர் ஆனந்த விஜேபால நேற்று நாடாளுமன்றத்தில் தெரிவித்தார். "சமீபத்தில்,...
21 ஆயிரம் ஏக்கரில் சிறுபோக நெற்செய்கை.!
வவுனியாவில் 21 ஆயிரம் ஏக்கரில் சிறுபோக நெற் செய்கை முன்னெடுக்கப்பட்டுள்ளதாக வவுனியா மாவட்ட கமநல அபிவிருத்தி உதவி ஆணையாளர் க.விமலரூபன் தெரிவித்தார். பருவகால மழை, கடந்த வருட...
மரக்கடத்தலில் ஈடுபட்ட வாகனத்தை விரட்டிப் பிடித்த பொலிஸார்.!
வவுனியாவில் மரக்கடத்தலில் ஈடுபட்ட வாகனத்தை பொலிசார் விரட்டிப் பிடித்துள்ளதுடன், அதில் இருந்த இருவர் வாகனத்தை கைவிட்டு ஓடிச் சென்றுள்ளதாக பூவரசன்குளம் பொலிசார் தெரிவித்தனர். இன்று (10.04) இடம்பெற்ற...
மேய்ச்சல் தரை பிரச்சினைக்கு விரைவில் தீர்வு.!
மேய்ச்சல் தரை பிரச்சினைக்கும் விரைவில் தீர்வு காணப்படும் என தேசிய மக்கள் சக்தியின் வன்னி மாவட்ட நாடாளுமன்ற உறுப்பினர் செ.திலகநாதன் தெரிவித்தார். வனவள மற்றும் வன ஜீவராசிகள்...
