புத்தளம் – மாதம்பே பகுதியில் நேற்று (28) கூரிய ஆயுதத்தால் தாக்கப்பட்டதில் ஆண் ஒருவர் உயிரிழந்துடன், பெண் ஒருவர் படுகாயமடைந்துள்ளார்.
மாதம்பே பழைய நகரப் பகுதியிலுள்ள வீடொன்றில் இருவருக்கு இடையில் ஏற்பட்ட தகராறில் குறித்த சம்பவம் இடம்பெற்றதாக பொலிஸார் தெரிவித்துள்ளனர்.
சம்பவம் தொடர்பில் கிடைக்கப் பெற்ற தகவலுக்கமைய சம்பவ இடத்திற்கு சென்ற பொலிஸார் காயமடைந்த இருவரையும் உடனடியாக சிலாபம் மருத்துவமனையில் சிகிச்சைக்காக அனுமதித்தனர். எனினும் குறித்த ஆண் சிகிச்சை பயனின்றி உயிரிழந்துள்ளார்.
மாதம்பே பகுதியில் வசித்து வந்த 60 வயதுடையவரே உயிரிழந்தவர் என தெரியவந்துள்ளது.
காயமடைந்த பெண்ணின் கணவர் இந்தக் கொலையைச் செய்ததாகவும், தகாத உறவே கொலைக்குக் காரணம் என்றும் விசாரணையில் தெரியவந்துள்ளதாக பொலிஸார் தெரிவித்துள்ளனர்.
நேற்று இரவு மாதம்பே பொலிஸ் பிரிவின் பட்டியகம பகுதியில் வைத்து கொலையை செய்த சந்தேக நபர் கைது செய்யப்பட்டார்.
கைது செய்யப்பட்ட சந்தேக நபர் பட்டியகம பகுதியைச் சேர்ந்த 45 வயதுடையவர் என தெரியவந்துள்ளது.
சம்பவம் தொடர்பில் மாதம்பே பொலிஸார் மேலதிக விசாரணைகளை மேற்கொண்டு வருகின்றனர்.
