கம்பளை – கண்டி வீதியில் குருதெனிய பிரதேசத்தில் நேற்று புதன்கிழமை (22) இடம்பெற்ற விபத்தில் வயோதிபர் ஒருவர் உயிரிழந்துள்ளதாக தவுலகல பொலிஸார் தெரிவித்தனர்.
உயிரிழந்தவர் கம்பளை கிராவுல்ல பிரதேசத்தைச் சேர்ந்த 60 வயதுடைய வயோதிபர் ஆவார்.
கண்டியிலிருந்து கம்பளை நோக்கிப் பயணித்த கார் ஒன்று எதிர்த்திசையில் பயணித்த உந்துருளி ஒன்றுடன் மோதி விபத்துக்குள்ளாகியுள்ளது. விபத்தில் படுகாயமடைந்த உந்துருளியின் செலுத்துனர் பேராதனை வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளார்.
இதனையடுத்து, காரின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளார்.
இது தொடர்பான மேலதிக விசாரணைகளை தவுலகல பொலிஸார் மேற்கொண்டு வருகின்றனர்.
