கல்கிஸ்சை – வட்டரப்பல பகுதியில் இனந்தெரியாத துப்பாக்கிதாரியினால் இன்று (07) அதிகாலை மேற்கொள்ளப்பட்ட துப்பாக்கிப் பிரயோகத்தில் இருவர் உயிரிழந்துள்ளனர்.
உயிரிழந்தவர்கள் 36 மற்றும் 20 வயதுடையவர்கள் ஆவார்.
உயிரிழந்தவர்கள் வீட்டில் இருந்தபோது, உந்துருளியில் வந்த இரண்டு துப்பாக்கிதாரிகள் துப்பாக்கிப் பிரயோகம் நடாத்தியுள்ளனர்.
துப்பாக்கிப் பிரயோகத்தில் ஒருவர் சம்பவ இடத்திலேயே உயிரிழந்தார்,
மற்றவர் கொழும்பு தெற்கு போதனா வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்தார்.
துப்பாக்கிப் பிரயோகத்திற்கான காரணம் இதுவரையில் தெரியவராத நிலையில், சந்தேகநபர்களை கைது செய்வதற்கான மேலதிக விசாரணைகளை கல்கிஸ்சை பொலிஸார் மேற்கொண்டு வருகின்றனர்.
