வவுனியா ரயில் நிலையத்திற்கு அருகில் நேற்றையதினம் (02) மாலை இரண்டு மோட்டார் சைக்கிள்கள் ஒன்றுடன் ஒன்று மோதி விபத்துக்குள்ளானதில் இருவர் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.
சம்பவம் தொடர்பில் தெரியவருவதாவது,
பூங்கா வீதியூடாக வந்த மோட்டார் சைக்கிள் பிரதான வீதியான ரயில் நிலைய வீதிக்கு ஏற முற்பட்ட சமயத்தில் வவுனியா நகரில் இருந்து ரயில் நிலைய வீதி ஊடாக பயணித்துக் கொண்டிருந்த மோட்டார் சைக்கிளுடன் மோதி விபத்துக்குள்ளாகியுள்ளது.
இந்த விபத்தில் 2 பேர் காயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளனர்.
விபத்து தொடர்பான மேலதிக விசாரணைகளை வைத்தியசாலை பொலிஸார் முன்னெடுத்து வருகின்றனர்.
