அநுராதபுரம், மதவாச்சி பிரதேசத்தில் நேற்று புதன்கிழமை (13) மாலை 05.30 மணியளவில் மின்னல் தாக்கி ஒருவர் உயிரிழந்துள்ளதாக மதவாச்சி பொலிஸார் தெரிவித்தனர்.
உயிரிழந்தவர் மதவாச்சி பிரதேசத்தைச் சேர்ந்த 47 வயதுடையவர் ஆவார்.
சம்பவம் தொடர்பில் தெரியவருகையில்,
குறித்த நபர் வயலில் உழுது கொண்டிருந்த போது மின்னல் தாக்கி காயமடைந்த நிலையில் மதவாச்சி வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை மதவாச்சி பொலிஸார் மேற்கொண்டு வருகின்றனர்.
