கம்பஹா, பெம்முல்ல பிரதேசத்தில் முச்சக்கரவண்டியில் சட்டவிரோத மதுபானத்தைக் கடத்திச் சென்றதாக கூறப்படும் சந்தேக நபரொருவர் நேற்று திங்கட்கிழமை (04) இரவு கைது செய்யப்பட்டுள்ளதாக பெம்முல்ல பொலிஸார் தெரிவித்தனர்.
கைது செய்யப்பட்டவர் கம்பஹா, கொட்டுகொட பிரதேசத்தில் வசிக்கும் 43 வயதுடையவர் ஆவார்.
பெம்முல்ல பொலிஸாருக்குக் கிடைத்த தகவலின் பேரில் சந்தேகத்திற்கு இடமான முறையில் பயணித்த முச்சக்கரவண்டி ஒன்றில் மேற்கொள்ளப்பட்ட சோதனையில் சந்தேக நபர் கைது செய்யப்பட்டுள்ளார்.
சந்தேக நபரிடமிருந்து 67 லீற்றர் சட்டவிரோத மதுபானம் பொலிஸாரால் கைப்பற்றப்பட்டுள்ளது.
இது தொடர்பான மேலதிக விசாரணைகளை பெம்முல்ல பொலிஸார் மேற்கொண்டு வருகின்றனர்.
