அநுராதபுரம், தலாவ பிரதேசத்தில் கேரள கஞ்சாவுடன் சந்தேக நபரொருவர் நேற்று சனிக்கிழமை (02) அதிகாலை கைது செய்யப்பட்டுள்ளதாக பொலிஸ் போதைப்பொருள் தடுப்பு பிரிவினர் தெரிவித்தனர்.
கைது செய்யப்பட்டவர் அநுராதபுரம், நொச்சியாகம பிரதேசத்தில் வசிக்கும் 37 வயதுடையவர் ஆவார்.
பொலிஸ் போதைப்பொருள் தடுப்பு பிரிவினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பின் போதே சந்தேக நபர் கைது செய்யப்பட்டுள்ளார். சந்தேக நபரிடமிருந்து 06 கிலோ 150 கிராம் கேரள கஞ்சா கைப்பற்றப்பட்டுள்ளது.
இதனையடுத்து, கைது செய்யப்பட்ட சந்தேக நபர் மேலதிக விசாரணைகளுக்காக தலாவ பொலிஸ் நிலையத்தில் ஒப்படைக்கப்பட்டுள்ளார்.
