கல்கிசையில் ஹெரோயினுடன் ஒருவர் கைது

கல்கிசை பொலிஸ் பிரிவுக்குட்பட்ட பிரதேசத்தில் உள்ள கல்கிசை ரயில் நிலையத்துக்கு அருகில் ஹெரோயினுடன் ஒருவர் நேற்று சனிக்கிழமை (12) பொலிஸாரால் கைது செய்யப்பட்டுள்ளார்.

சந்தேக நபர் கொழும்பு வெள்ளவத்தை பிரதேசத்தைச் சேர்ந்த 42 வயதுடையவர் ஆவார்.

கல்கிசை குற்றப் புலனாய்வுப் பிரிவின் அதிகாரிகளுக்குக் கிடைத்த தகவலின் அடிப்படையில் இந்த நபர் கைது செய்யப்பட்டுள்ளார். இவரிடமிருந்து 5 கிராம் 200 மில்லி கிராம் ஹெரோயின் போதைப்பொருள் பொலிஸாரால் கைப்பற்றப்பட்டது.

இதேவேளை, இவர் மேலதிக விசாரணைகளுக்காக கல்கிசை பொலிஸ் நிலையத்தில் ஒப்படைக்கப்பட்டுள்ளார். இது தொடர்பான மேலதிக விசாரணைகளில் கல்கிசை பொலிஸார் ஈடுபட்டு வருகின்றனர்.