பண்டாரகம பொலிஸ் பிரிவுக்கு உட்பட்ட அடலுகம பகுதியைச் சேர்ந்த இரு சிறுவர்கள் மின்சாரம் தாக்கி காயமடைந்துள்ளதாக பண்டாரகம பொலிஸார் தெரிவித்தனர்.
குறித்த சம்பமானது நேற்று (06) ஞாயிற்றுக்கிழமை மாலை இடம்பெற்றுள்ளது. இச் சம்பவத்தில் பண்டாரகம பகுதியைச் சேர்ந்த 12 மற்றும் 13 வயதுடைய இரு சிறுவர்களுமே இவ்வாறு காயமடைந்துள்ளனர்.
இது தொடர்பில் தெரியவருவதாவது,
காயமடைந்த சிறுவர்கள் இருவரும் பட்டம் விட்டு விளையாடிக்கொண்டிருக்கும் போது, பட்டமானது வீதியில் உள்ள மின்கம்பத்தில் சிக்கியுள்ளது. அதன் பின்னர், இரு சிறுவர்களும் தொடர்மாடி குடியிருப்பு ஒன்றின் மேல் மாடிக்குச் சென்று அலுமினியக் கம்பி ஒன்றின் உதவியுடன் மின்கம்பத்தில் சிக்கியுள்ள பட்டத்தை எடுக்க முயன்ற போது மின்சாரம் தாக்கி காயமடைந்துள்ளனர்.
இதனையடுத்து, காயமடைந்த இரு சிறுவர்களும் கொழும்பு தேசிய வைத்தியசாலையில் சிகிச்சைக்காக அனுமதிக்கப்பட்டுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை பண்டாரகம பொலிஸார் மேற்கொண்டு வருகின்றனர்
