வரலாற்றில் இன்று – அமெரிக்க ஜனாதிபதி சுட்டுக் கொ லை செய்யப்பட்டார்; மேலும் பல வரலாற்றுச் சம்பவங்கள்.!

1818 – இயற்பியலாளர் அகசுடீன் பிரெனெல் ஒளியியல் சுழற்சி பற்றிய தனது குறிப்புகளை பிரெஞ்சு அறிவியல் கழகத்தில் படித்தார்.

1822 – ஐக்கிய அமெரிக்காவில் புளோரிடா பிராந்தியம் உருவாக்கப்பட்டது.

1831 – யாழ்ப்பாணம், மானிப்பாயில் அமெரிக்க மிஷன் கட்டிடங்கள் தீப்பிடித்து அழிந்தன.

1842 – அறுவைச் சிகிச்சைகளில் முதன்முதலாக ஈதர் மயக்க மருந்து குரோபோர்ட் லோங் என்பவரினால் பயன்படுத்தப்பட்டது.

1851 – ஐக்கிய இராச்சியத்தில் மக்கள் தொகைக் கணக்கெடுப்பு நடத்தப்பட்டது.

1856 – கிரிமியப் போரை முடிவுக்குக் கொண்டுவரும் பொருட்டு பாரிஸ் உடன்பாடு எட்டப்பட்டது.

1858 – அழிப்பானுடன் கூடிய எழுதுகோலுக்கான காப்புரிமம் ஐமன் லிப்மன் என்பவரினால் பெறப்பட்டது.

1861 – சேர் வில்லியம் குரூக்சு தாலியம் தனிமத்தைக் கண்டுபிடித்தார்.

1863 – டென்மார்க்கு இளவரசர் வில்லெம் கியோர்க் கிரேக்கத்தின் ஜார்ஜ் மன்னராக முடிசூடினார்.

1867 – அலாஸ்கா மாநிலத்தை 2 சதம்/ஏக்கர் ($4.19/கிமீ²) என்ற கணக்கில் 7.2 மில்லியன் அமெரிக்க டாலருக்கு, உருசியாவிடம் இருந்து ஐக்கிய அமெரிக்கா கொள்வனவு செய்தது.

1912 – மொரோக்கோ பிரான்சின் பாதுகாப்பில் உள்ள ஒரு நாடாக அறிவிக்கப்பட்டது.

1940 – இரண்டாம் சீன- ஜப்பானியப் போர்: புதிய சீன பொம்மை அரசின் தலைநகராக நான்கிங் நகரை ஜப்பான் அறிவித்தது.

1944 – இரண்டாம் உலகப் போர்: நேசப் படைகள் பல்காரியா தலைநகர் சோபியா மீது பெரும் குண்டுத் தாக்குதல்களை மேற்கொண்டன.

1944 – இரண்டாம் உலகப் போர்: நியூரம்பெர்க் நகரைத் தாக்க அனுப்பப்பட்ட பிரித்தானியாவின் 795 போர் வானூர்திகளில் 95 வானூர்திகள் திரும்பவில்லை.

1945 – இரண்டாம் உலகப் போர்: சோவியத் செஞ்சேனைப் படை ஆஸ்திரியாவின் வியன்னா நகரைக் கைப்பற்றியது; போலந்து, செஞ்சேனைப் படைகள் இணைந்து தான்சிக்கைக் கைப்பற்றின.

1949 – பனிப்போர்: ஐஸ்லாந்து நேட்டோ அமைப்பில் இணைந்தது. இதற்கு எதிரான கலவரம் ரெய்க்யவிக் நகரில் இடம்பெற்றது.

1965 – வியட்நாம் போர்: சாய்கோன் நகரில் அமெரிக்கத் தூதராலயத்திற்கு முன்னால் தானுந்துக் குண்டொன்று வெடித்ததில் 22 பேர் கொல்லப்பட்டனர்.

1972 – வியட்நாம் போர்: வடக்கு வியட்நாம் படைகள் தெற்கு வியட்நாமின் பாதுகாப்பு வலயத்தினுள் சென்றதை அடுத்து அங்கு போர் மூண்டது.

1979 – பிரித்தானிய நாடாளுமன்ற உறுப்பினர் எய்ரி நீவ் என்பவர் வெஸ்ட்மின்ஸ்டர் அரண்மனையில் இருந்து வெளியேறும் போது கார் குண்டுவெடிப்பில் கொல்லப்பட்டார். ஐரிஸ் தேசிய விடுதலை இராணுவம் இத்தாக்குதலுக்குப் பொறுப்பேற்றது.

1981 – அமெரிக்க ஜனாதிபதி ரானல்ட் ரேகன் வாசிங்டனில் உணவு விடுதி ஒன்றில் வைத்து ஜோன் இங்கிளி என்பவனால் மார்பில் சுடப்பட்டார். மேலும் மூவர் காயமடைந்தனர்.

1982 – கொலம்பியா விண்ணோடம் நியூ மெக்சிகோவில் வெற்றிகரமாகத் தரையிறங்கியது.

2006 – அவுஸ்திரேலிய பிராந்தியத்தில் ஏற்படும் வலிமையான வெப்பமண்டல சூறாவளிகளில் ஒன்றான கிளெண்டா சூறாவளி மேற்கு அவுஸ்திரேலியாவின் ஆன்ஸ்லோ அருகே கரையைக் கடந்தது.

2009 – பாகிஸ்தானின் லாகூரில் உள்ள மனவான் போலீஸ் அகாடமியில் பன்னிரண்டு துப்பாக்கிதாரிகள் தாக்குதல் நடத்தினர்.

2011 – மின் ஆங் ஹ்லைங் மியான்மரின் ஆயுதப் படைகளின் தலைமைத் தளபதியாக நியமிக்கப்பட்டார்.

2017 – ஸ்பேஸ்எக்ஸ் உலகின் முதல் சுற்றுப்பாதை வகுப்பு ராக்கெட்டை மீண்டும் பறக்கவிட்டது.

2018 –போராட்டங்களின் போது காசாவில் இஸ்ரேலிய இராணுவத்தினரின் தாக்குதலில் 17 பாலஸ்தீனியர்கள் கொல்லப்பட்டனர். 1,400 பேர் காயமடைந்தனர்.

2019 – போப் பிரான்சிஸ் மொராக்கோவிற்கு வருகை தந்தார்.

2023 – அமெரிக்க அரசியலில் முன்னெப்போதும் இல்லாத வகையில், ஒரு குற்றத்திற்காக தண்டிக்கப்பட்ட முதல் முன்னாள் அமெரிக்க ஜனாதிபதி என்ற பெயரைப் பெற்றுள்ளார் டொனால்ட் டிரம்ப்.