தமிழ் திரைத்துறையில் பிரபல ஸ்டண்ட் மாஸ்டராக மற்றும் நகைச்சுவை நடிகராக இருந்த கோதண்டராமன் உடல்நலக்குறைவால் இன்று (19) காலமானார்.
65 வயதாகும் இவர் சென்னை பெரம்பூரில் உள்ள அவருடைய இல்லத்தில் காலமானார்.
இவர் கடந்த 25 வருடங்களாக தமிழ் திரைத்துறையில் ஸ்டண்ட் மாஸ்டராக பணிபுரிந்து வந்துள்ளார். அத்துடன் 2012ல் சுந்தர் சி இயக்கத்தில் வெளிவந்த கலகலப்பு என்ற திரைப்படத்தில் நடிகர் சந்தானத்துடன் இணைந்து நகைச்சுவை கதாபாத்திரத்தில் நடித்திருந்தார்.பல படங்களில் துணை வில்லனாகவும் நடித்துள்ளார்.
மேலும், இவர் பகவதி, திருப்பதி, கிரீடம், வேதாளம் படங்களில் நடித்துள்ளார்.
அவருடைய மறைவுக்கு திரையுலக பிரபலங்கள் பலரும் இரங்கல் தெரிவித்து வருகிறார்கள்.
