குருணாகல் – கல்கமுவ பிரதேசத்தில் நேற்றையதினம் (22-11-2024) காலை விரைவு ரயில் மோதி 2 வயதும் 2 மாதமுமான ஆண் குழந்தை ஒன்று பரிதாபமாக உயிரிழந்திருப்பதாக தகவல் வெளியாகியுள்ளது.
கல்கமுவ, புத்ருவகந்த பகுதியில் வசிக்கும் 3 பிள்ளைகளைக் கொண்ட குடும்பத்தின் இளைய பிள்ளையான எம்.செஜன் ஹசரங்க என்ற குழந்தையே உயிரிழந்துள்ளது.
சம்பவம் தொடர்பில் தெரியவருவதாவது,
வீட்டிலிருந்து சுமார் 15 மீற்றர் தொலைவில் வடக்கு ரயில் பாதை அமைந்துள்ளதால், குழந்தை வெளியில் செல்லாதவாறு வீட்டின் நுழைவாயிலுக்கு அருகில் வேலி அமைக்கப்பட்டிருந்த போதும் குழந்தை அதனை கவிழ்த்துள்ளதாக தெரிவிக்கப்படுகின்றது.
குழந்தையானது வளர்ப்பு நாயை பின்தொடர்ந்து ரயில் தண்டவாளத்தை நோக்கிச் செல்வதைக் கண்ட தாயார், ஓடிச்சென்று காப்பாற்ற முயன்றபோதும் கொழும்பில் இருந்து காங்கேசன்துறை நோக்கி சென்ற விரைவு ரயிலில் மோதி துரதிஷ்டவசமாக தாயின் கண்முன்னே உயிரிழந்துள்ளது.
சம்பவம் தொடர்பில் பொலிஸார் மேலதிக விசாரணையை மேற்கொண்டு வருகின்றனர்.
