வெலிமடை நுவரெலியா வீதியில் இன்று (07) காலை லொறியுடன் முச்சக்கரவண்டியொன்று மோதி விபத்துக்குள்ளானதாக வெலிமடை பொலிஸார் தெரிவித்தனர்.
இந்த விபத்தில் முச்சக்கரவண்டியின் சாரதியான 36 வயதுடைய சீன நாட்டுப் பிரஜை காயமடைந்துள்ளார்.
காயமடைந்த நபர் வெலிமடை ஆரம்ப வைத்தியசாலையில் அனுமதிக்கப்பட்டு, பின்னர் மேலதிக சிகிச்சைக்காக பதுளை பொது வைத்தியசாலைக்கு மாற்றப்பட்டு அங்கு சிகிச்சை பெற்று வருவதாக பொலிஸார் தெரிவித்தனர்.
சம்பவம் தொடர்பில் தெரியவருகையில்,
வெலிமடை பொலிஸ் நிலையத்துக்கு அருகில், நுவரெலியாவிலிருந்து சென்ற முச்சக்கரவண்டி வேகக் கட்டுப்பாட்டை இழந்து, வெலிமடையிலிருந்து நுவரெலியா நோக்கி சென்றுகொண்டிருந்த லொறியில் மோதி விபத்துக்குள்ளாகியுள்ளது.
இவ்விபத்து தொடர்பாக வெலிமடை பொலிஸார் விசாரணைகளில் ஈடுபட்டு வருகின்றனர்.
