ஹட்டன் டிக்கோயா மாநகர சபைக்கு சொந்தமான வாகன முற்றத்தில் குப்பைகள் குவிந்து கிடப்பதால் அங்குள்ள மக்கள் பல்வேறு சிரமங்களை எதிர்நோக்கியுள்ளனர். அதனை அண்டிய பகுதிகளில் ஹட்டன் ஸ்ரீ நிரோதாராம விகாரையும், ஹட்டன் ஸ்ரீபாத கல்லூரியும், இரண்டு முன்பள்ளி பாடசாலைகளும் உள்ளன.
இந் நிலைமைகள் தொடர்பில் கருத்து தெரிவித்த ஹட்டன் ஸ்ரீ நிரோதாராம ஆலயத்திற்கு பௌர்ணமி தினத்தன்று வருகை தந்த குழுவினர், ஹட்டன் மாநகர சபை முறையான நிர்வாக இல்லாமையால் அப் பகுதியில் உள்ள அனைத்து மக்களும், பௌத்த மத துறவிகளும் நுளம்புத் தொல்லை மற்றும் கடும் அவல நிலைக்கு உள்ளாகி வருவதாக தெரிவித்தனர்.
ஹட்டன் ஸ்ரீபாதா கல்லூரியில் கல்வி கற்கும் மாணவர்களின் பெற்றோர்கள், இவ்விடத்தில் இருந்து வீசும் துர்நாற்றம் மற்றும் கொசுக்களின் தொல்லை காரணமாக இவர்களது குழந்தைகள் பல்வேறு நோய்களுக்கு பலியாகும் அபாயம் உள்ளதோடு, இந்த நிலமைகளால் குழந்தைகளின் உடல் நலத்திற்கும் பல்வேறு அச்சுறுத்தல்கள் ஏற்பட்டுள்ளதாக தெரிவித்தனர்.
ஒரு உள்ளுராட்சி நிறுவனம் அந்தப் பிரதேச மக்களின் சுகாதாரம் மற்றும் பிரதேசத்தின் சுற்றாடலைப் பாதுகாக்க நடவடிக்கை எடுக்க வேண்டும். எனினும் ஹட்டன் டிக்கோயா மாநகர சபையானது நீண்டகாலமாக இந்தப் பிரதேசத்தின் சுற்றாடலை அழித்து சுகாதாரத்திற்கு ஆபத்தை ஏற்படுத்தி வருகின்றது.
இந்த சுற்று சூழல்கள் குறித்து விசாரணை நடத்தியதில், ஹட்டன் நகர சபை செயலாளர் டி. வி. பண்டார, ஹட்டன் டிக்கோயா மாநகர சபையில் சேகரிக்கப்படும் குப்பைகளை அகற்றுவதற்கு உரிய இடம் இல்லாதது பாரிய பிரச்சினையாக அமைந்துள்ளது என தெரிவித்தார்.
கொட்டகலையில் அமைந்துள்ள ஒரு காணி குப்பை கொட்டுவதற்கு வழங்கப்படுமா என்கின்ற சந்தேகம் நிலவுவதாகவும், அந்த காணி கிடைத்தால் இந்த குப்பை பிரச்சினைக்கு உரிய தீர்வுகளை காண முடியும் எனவும் அவர் தெரிவித்தார்.
இந்த குப்பைகளை கொட்டுவதற்கு ஒரு துண்டு நிலம் கிடைக்கும் வரை இந்த இடத்தில் கொசுக்களை ஒழிக்க மருந்து தெளிக்க நடவடிக்கை எடுப்பதாகவும், எப்படியாவது இந்த முற்றத்தில் உள்ள குப்பைகளை இந்த இடத்தில் இருந்து அகற்ற நடவடிக்கை எடுப்பதாகவும் பண்டார மேலும் தெரிவித்தார்.
