மொனராகலை, புத்தல பிரதேசத்தில் முகமூடி அணிந்திருந்த இருவர் நேற்று வெள்ளிக்கிழமை (03) உந்துருளியில் பயணித்துக் கொண்டிருந்த பெண் ஒருவரை வழிமறித்து அச்சுறுத்தி தங்க நகைகள் மற்றும் பணத்தை கொள்ளையிட்டுச் சென்றுள்ளதாக புத்தல பொலிஸார் தெரிவித்தனர்.
இது தொடர்பில் தெரியவருவதாவது,
புத்தல பிரதேசத்தில் பெண் ஒருவர் உந்துருளியில் பயணித்துக் கொண்டிருந்த போது முகமூடி அணிந்திருந்த இருவர் உந்துருளியை வழிமறித்துள்ளனர். இதன்போது குறித்த பெண் உந்துருளியுடன் கீழே வீழ்ந்துள்ளார்.
பின்னர், சந்தேக நபர்கள் இருவரும் குறித்த பெண்ணை அச்சுறுத்தி அவரது கழுத்திலிருந்த தங்க மாலை, தோடுகள் மற்றும் பணப் பையிலிருந்த 15 ஆயிரம் ரூபா பணம் ஆகியவற்றை கொள்ளையிட்டுத் தப்பிச் சென்றுள்ளனர்.
பாதிக்கப்பட்ட பெண் இது தொடர்பில் புத்தல பொலிஸ் நிலையத்தில் முறைப்பாடு அளித்துள்ளார்.
இது தொடர்பான மேலதிக விசாரணைகளை புத்தல பொலிஸார் மேற்கொண்டு வருகின்றனர்.
