அம்பாந்தோட்டை, திஸ்ஸமஹாராமை – கிரிந்த வீதியில் நேற்று திங்கட்கிழமை (02) பிற்பகல் இடம்பெற்ற விபத்தில் பெண் ஒருவர் உயிரிழந்துள்ளதாக கிரிந்த பொலிஸார் தெரிவித்தனர்.
உயிரிழந்தவர் கிரிந்த பிரதேசத்தைச் சேர்ந்த 46 வயதுடைய பெண் ஆவார்.
வெளிநாட்டு பிரஜைகள் பயணித்த ஜீப் வாகனம் ஒன்று வீதியில் பயணித்த உந்துருளி ஒன்றை கடந்து முன்னோக்கி செல்ல முயன்ற போது உந்துருளிடன் மோதியதில் இந்த விபத்து இடம்பெற்றுள்ளது. விபத்தின் போது உந்துருளியின் செலுத்துனரும் பின்புறத்தில் அமர்ந்திருந்த பெண்ணொருவரும் படுகாயமடைந்த நிலையில் கிரிந்த வைத்தியசாலையில் அனுமதிக்கப்பட்ட பின்னர் பின்புறத்தில் அமர்ந்திருந்த பெண் சிகிச்சை பலனின்றி உயிரிழந்துள்ளார்.
இதனையடுத்து ஜீப் வாகனத்தின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளதுடன் மேலதிக விசாரணைகளை கிரிந்த பொலிஸார் மேற்கொண்டு வருகின்றனர்.
