பெறுமதியான பணப் பற்றுச்சீட்டானது தொலைபேசி இலக்கத்திற்கு கிடைத்துள்ளதாகக் கூறி இளைஞன் ஒருவரின் வங்கிக் கணக்கிலிருந்து இரண்டு இலட்சம் ரூபா பணம் கொள்ளையிடப்பட்டுள்ளது.
யாழ்ப்பாணம் இளவாலை பகுதியில் இச்சம்பவம் இடம்பெற்றுள்ளது.
சம்பவம் தொடர்பில் தெரியவருகையில்,
குறித்த இளைஞனின் தொலைபேசிக்கு அழைப்பு ஏற்படுத்தியவர்கள், உங்கள் தொலைப்பேசிக்கு 75,000 ரூபா பணப் பரிசு கிடைத்துள்ளதாகக் குறிப்பிட்டுள்ளனர். இளைஞரின் வங்கிக் கணக்கில் 5,000 ரூபாய்க்கு மேல் வைத்திருந்தால்தான் பணப் பரிசு கிடைக்கும் என்று கூறப்பட்டுள்ளது.
இளைஞரின் வங்கி கணக்கு இலக்கம் மற்றும் அடையாள அட்டை எண் ஆகியவற்றை பெற்றுள்ளனர். இதையடுத்து அந்த இளைஞரின் வங்கியில் வைப்பிலிடப்பிட்டுள்ள இரண்டு லட்சம் ரூபாய் பறிமுதல் செய்யப்பட்டது.
இது தொடர்பில் இளவாலை பொலிஸ் நிலையத்தில் குறித்த இளைஞன் முறைப்பாடு செய்துள்ளார்.
0763978279 என்ற எண்ணில் கொள்ளையர்கள் தொடர்பு கொண்டுள்ளனர்.
தொலைபேசியில் தொடர்பு கொண்டு பரிசு கிடைத்ததாக பேசுபவர்கள் தொடர்பில் பொதுமக்கள் அவதானமாக இருக்குமாறு பொலிஸார் கேட்டுக்கொண்டுள்ளனர்.
