புத்தளம், கற்பிட்டி – பாலவி பிரதான வீதியில் சோத்துபிட்டி பிரதேசத்தில் நேற்று வியாழக்கிழமை (21) பிற்பகல் இடம்பெற்ற விபத்தில் இளைஞன் ஒருவன் உயிரிழந்துள்ளதாக கற்பிட்டி பொலிஸார் தெரிவித்தனர்.
உயிரிழந்தவர் புத்தளம், கற்பிட்டி பிரதேசத்தைச் சேர்ந்த 28 வயதுடைய இளைஞன் ஆவார்.
சம்பவம் தொடர்பில் தெரியவருகையில்,
சாரதியின் கட்டுப்பாட்டை இழந்த கெப் வாகனம் ஒன்று வீதியை விட்டு விலகி அருகிலிருந்த வீடு ஒன்றின் சுவரில் மோதியதில் இந்த விபத்து இடம்பெற்றுள்ளது. விபத்தின் போது கெப் வாகனத்தின் பின்புறத்தில் அமர்ந்திருந்த இளைஞன் ஒருவன் படுகாயமடைந்த நிலையில் கற்பிட்டி வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.
இதனையடுத்து கெப் வாகனத்தின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளதுடன் மேலதிக விசாரணைகளை கற்பிட்டி பொலிஸார் மேற்கொண்டு வருகின்றனர்.
