பிட்டிகல – எல்பிட்டிய வீதியில் அமுகொடை பிரதேசத்தில் நேற்று செவ்வாய்க்கிழமை (12) இடம்பெற்ற விபத்தில் ஒருவர் உயிரிழந்துள்ளதாக பிட்டிகல பொலிஸார் தெரிவித்தனர்.
உயிரிழந்தவர் பிட்டிகல, அமுகொடை பிரதேசத்தைச் சேர்ந்த 68 வயதுடையவர் ஆவார்.
சம்பவம் தொடர்பில் தெரியவருகையில்,
பிட்டிகலவில் இருந்து எல்பிட்டிய நோக்கிப் பயணித்த மோட்டார் சைக்கிள் ஒன்று அதே திசையில் பயணித்த சைக்கிள் ஒன்றுடன் மோதியதில் இந்த விபத்து இடம்பெற்றுள்ளது.
விபத்தின் போது படுகாயமடைந்த மோட்டார் சைக்கிளின் செலுத்துனரும் சைக்கிளின் செலுத்துனரும் எல்பிட்டிய வைத்தியசாலையில் அனுமதிக்கப்பட்ட நிலையில், சைக்கிளின் செலுத்துனர் மேலதிக சிகிச்சைக்காக கராப்பிட்டிய வைத்தியசாலைக்கு மாற்றப்பட்ட பின்னர் சிகிச்சை பலனின்றி உயிரிழந்துள்ளார்.
இது தொடர்பான மேலதிக விசாரணைகளை பிட்டிகல பொலிஸார் மேற்கொண்டு வருகின்றனர்.
