கொழும்பு – குருணாகல் வீதியில் மல்பிட்டிய பிரதேசத்தில் நேற்று ஞாயிற்றுக்கிழமை (10) மாலை இடம்பெற்ற விபத்தில் ஒருவர் உயிரிழந்துள்ளதுடன் நான்கு பேர் காயமடைந்துள்ளதாக பொத்துஹெர பொலிஸார் தெரிவித்தனர்.
உயிரிழந்தவர் பொல்கஹவளை பிரதேசத்தைச் சேர்ந்த 70 வயதுடையவர் ஆவார்.
கெப் வாகனம் ஒன்று எதிர்த்திசையில் பயணித்த முச்சக்கரவண்டி ஒன்றுடன் மோதியதில் இந்த விபத்து இடம்பெற்றுள்ளது. இந்த விபத்தின் போது முச்சக்கரவண்டியின் சாரதியும், பின்புறத்தில் அமர்ந்திருந்த இரு பெண்களும், நபரொருவரும், குழந்தை ஒன்றும் படுகாயமடைந்த நிலையில் குருணாகல் வைத்தியசாலையில் அனுமதிக்கப்பட்ட பின்னர் முச்சக்கரவண்டியின் சாரதி சிகிச்சை பலனின்றி உயிரிழந்துள்ளார்.
இதனையடுத்து, கெப் வாகனத்தின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளார்.
இது தொடர்பான மேலதிக விசாரணைகளை பொத்துஹெர பொலிஸார் மேற்கொண்டு வருகின்றனர்.
