தனது தந்தையை தாக்கிய அயலவர்களுக்கு கைத்துப்பாக்கியை காட்டி கொலை மிரட்டல் விடுத்த உப பொலிஸ் பரிசோதகர் கைது செய்யப்பட்டுள்ளதாக ஆனமடுவ பொலிஸார் தெரிவித்தனர்.
கைது செய்யப்பட்டவர் ஆனமடுவ தர்மபால பிரதேசத்தைச் சேர்ந்த கொழும்பு பொலிஸ் குற்றத் தடுப்பு பிரிவில் கடமையாற்றும் உப பொலிஸ் பரிசோதகர் ஆவார்.
உப பொலிஸ் பரிசோதகரின் தந்தையை அவரது அயலவர்கள் கடந்த 7 ஆம் திகதி அன்று பலமாக தாக்கியுள்ளனர். இதனையடுத்து, சந்தேக நபர் தனது அயல் வீடுகளுக்கு சென்று அவர்களிடம் கைத்துப்பாக்கியை காட்டி கொலை மிரட்டல் விடுத்து தாக்குதல் நடத்தியுள்ளதாக பொலிஸ் விசாரணையில் தெரியவந்துள்ளது.
இது தொடர்பான மேலதிக விசாரணைகளை ஆனமடுவ பொலிஸார் மேற்கொண்டு வருகின்றனர்.
