யாழ்ப்பாணம் சிறுப்பிட்டி மேற்கு பகுதியில் நேற்று இரவு இளைஞன் ஒருவர் குளவி கொட்டுக்கு இலக்கான நிலையில் யாழ் போதனா வைத்தியசாலையில் அனுமதிக்கப்பட்டு சிகிச்சை பலனின்றி பரிதாபமாக உயிரிழந்துள்ளார்.
சம்பவத்தில் 35 வயதான இளைஞரே இவ்வாறு உயிரிழந்தவர் ஆவார்.
சம்பவம் தொடர்பாக மேலும் தெரியவருகையில்,
நேற்றிரவு தனது வாகனத்தில் நித்திரையில் இருந்த போது குறித்த இளைஞனுக்கு குளவி கொட்டியுள்ளது. வலி தங்கமுடியாமல் யாழ் போதனா வைத்தியசாலையில் அனுமதிக்கப்பட்ட நிலையில் சிகிச்சை பலனின்றி இளைஞர் பரிதாபமாக நேற்று உயிரிழந்துள்ளார்.
சடலம் உடல் கூற்று சோதனையின் பின் உறவினர்களிடம் கையளிக்கப்பட்டுள்ளது. இச் சம்பவம் அப்பகுதியில் துயரத்தை ஏற்படுத்தியுள்ளது.
